Кантрабанда цыгарэт з Беларусі. Фота ілюстрацыйнае: Facebook.com/Muitineskriminalinetarnyba
Рух плануюць абмежаваць на пунктах «Цвярячус» (у Беларусі - «Відзы») і «Шумскас» («Лоша»). Гэта звязана з тым, што ў гэтых пунктах пропуску на мяжы з Литвой няма рэнтгенаўскіх апаратаў для пошуку кантрабанды, расказаў кіраўнік Мытнага дэпартамента Літвы Дарус Жвіронас. Праз названыя пункты кантрабандны тытунь вязуць з выкарыстаннем пустых грузавікоў, піша Delfi.
Пункты «Цвярачус» і «Шумскас» будуць працаваць толькі ў дзённы час і будуць прапускаць толькі легкавыя аўтамабілі. Абмежаванне збіраюцца ўвесці ў канцы года, пасля завяршэння рамонту памежнага пункта «Мядзінінкай» («Каменны Лог»). Такім чынам спадзяюцца прадухіліць як карупцыю, так і кантрабанду.
Таксама ў бліжэйшыя два гады Літва плануе амаль на ўсіх буйных памежных пунктах і ў Клайпедскім порце ўсталяваць або абнавіць рэнтгенаўскія апараты для сканавання грузаў. Гэты працэс будзе ажыццяўляцца з дапамогай сродкаў Еўрапейскага саюза.
Зараз «Лоша» выкарыстоўваецца толькі для руху легкавога транспарту, «Відзы» — для легкавога і парожняга грузавога транспарту, які ажыццяўляе міжнародныя грузаперавозкі.
Пункт пропуску «Лоша» — найбліжэйшы да «Каменного Лога», «Відзы» знаходзіцца крыху далей. Абмежаванне руху можа адбіцца на чэргах. Нагрузка на літоўскія пункты пропуску ўзрасла пасля закрыцця польскага пункта пропуску «Баброўнікі» («Бераставіца»). Яшчэ раней, восенню 2021, быў закрыты пераход у Кузніцы. Для легкавога транспарту на польскай мяжы застаўся толькі пункт пропуску «Цярэспаль» («Брэст»), для грузавога — «Кукурыкі» («Казловічы»). У пункце «Брэст» збіраюцца вялізныя чэргі. Многія кіроўцы, каб патрапіць у Польшчу і назад, пачалі аб’язджаць праз Літву.
Польскі бок абяцаў адкрыць «Баброўнікі» на наступны дзень пасля вызвалення журналіста і палітвязня, прадстаўніка польскай меншасці ў Беларусі, Анджэя Пачобута.
У 2022 годзе была перахоплена рэкордная колькасць кантрабанды, але маштабы перавозак з Беларусі не змяншаюцца. Гэта абумоўлена і тым, што кантрабанда падтрымліваецца беларускім рэжымам, і запатрабаванасцю ў Еўропе, лічыць намеснік камандуючага Дзяржаўнай памежнай службы палкоўнік Антанас Мантвідас.
Па словах Мантвідаса, было спынена 72% кантрабанды. Усё часцей для яе перавозкі выкарыстоўваюць альтэрнатыўныя спосабы — з дапамогай дронаў, праз памежныя воды.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…