Ваенныя зборы. Фота: "Гродзенская праўда"
Жыхар Брэсцкай вобласці пад нікам sheka.live распавёў у TikTok, як яго забралі на зборы. Каб сабрацца, яму далі ноч. Мужчына раіць іншым падрыхтавацца і трымаць рэчы пры сабе. Паводле яго, гэта не першая хваля прызыву з запасу.
«Зборы. Першая хваля. Ноч на зборы», — напісаў мужчына. На відэа бачныя аўтобусы, у якіх прызваных павязуць на зборы.
Мужчына параіў усім прызыўнога ўзросту падрыхтавацца і сабраць рэчмяшкі — зменную вопратку, ежу на першы час і туалетныя прыналежнасці. «Бо позвы раздаюць літаральна за пару гадзін і вязуць усіх па падраздзяленнях. Гэта адбываецца вельмі хутка». Жыхар Брэсцкай вобласці трапіў пад «першую хвалю». Ён абяцаў расказаць пабольш пра зборы, але перастаў публікаваць відэа.
@sheka.live #беларусьсейчас #военныеприколы ♬ Армия — Движение
@sheka.live #военныеприколы #беларусьсейчас #боеваяготовность ♬ оригинальный звук — sheKa.live
@sheka.live #беларусьсейчас ♬ Цвет настроения чёрный — Егор Крид
«Яшчэ калі раней знаёмыя хадзілі на зборы, і ім дазвалялі карыстацца тэлефонамі ў размяшчэнні без праблем, то цяпер у людзей, якіх забралі, у частках забаранілі тэлефоны. Сказалі выключыць, а ўключаць толькі ў пэўны час, каб патэлефанаваць», — паведаміў суразмоўца «Зеркала» з Брэсцкай вобласці.
Супрацоўніца ваенкамата запэўніла супрацоўніцу «Зеркало», якая патэлефанавала пад выглядам занепакоенай беларускі, што ў краіне няма мабілізацыі. Яна параіла «ўважліва слухаць навіны» і не чытаць «тое, што пішуць апазіцыйныя каналы».
— Не слухайце нікога. Ужо блогеры пішуць, што і з ложкаў здымаюць, і на дарогах ловяць. Нікога не здымаюць, не адбіраюць. Выклікаюць, як мае быць, па позве, пішуць, што ім трэба ўзяць з сабой, калі прыйсці. Яшчэ ідзе адбор: напрыклад, не падаў [чалавек] весткі, што ў яго чацвёра дзяцей, і ў яго значацца толькі двое. Такіх таксама адсейваюць. Усё ўлічваецца, перабіраецца. Нікому не верце. Такую ўжо бздуру пішуць! Хтосьці там распісаў ужо такое, што і па вуліцах ловяць. Вы верыце ў такое?
«Па прыбыцці ваеннаабавязаныя былі экіпіяваныя, ім выдадзены прадметы рэчавай маёмасці першай катэгорыі, цеплаізаляцыйныя кілімкі, спальныя мяшкі. Арганізавана размяшчэнне ваеннаабавязаных у казармах, спартзале, навучальным корпусе, клубе. Сілкуюцца ваеннаабавязаныя ў двух сталовых РУП ТПУ пры Міністэрстве абароны», — паведамілі ў Міністэрстве абароны Рэспублікі Беларусь.
Падраздзяленне асобнай механізаванай брыгады, даўкамплектаванае ваеннаабавязанымі, здзейсніла камбінаваны марш на колавай і гусенічнай тэхніцы. На палігоне адпрацоўваецца прыстрэлка зброі. Склад з запасу забяспечылі экіпіроўкай і рыштункам. Мужчын размеркавалі па падраздзяленнях згодна ваенна-ўліковых спецыяльнасцях.
Мужчыны кажуць, што гатовыя да абароны радзімы, але спадзяюцца, што гэта не давядзецца рабіць.
Зборы працягнуцца 30 дзён.
Чытайце таксама: У Гродзенскай вобласці абвясцілі зборы. За няяўку могуць асудзіць — ёсць прэцэдэнты
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…