Палітвязня Валерыя Троцкага асудзілі за 12 гадоў калоніі за здраду дзяржаве (арт.356 ч. 1 КК). Пра гэта паведамляе Telegram-канал “Задержания, суды в Лиде”. Іншых падрабязнасцяў пра справу невядома – разгляд праходзіў у закрытым рэжыме.
Валерыя Троцкага затрымалі ў Лідзе 18 траўня 2022 года. Раней ён працаваў у лідскай ахове, але звольніўся і працаваў дальнабойнікам. Мужчыну змясцілі ў СІЗА № 1 Гродна. Яго судзілі паводле арт. 356 ч.1 – Здрада дзяржаве (у рэдакцыі закона ад 09.01.2019).
Валерыя прызналі палітвязнем. Справу разглядаў суддзя Мікалай Рачынскі ў Гродзенскім абласным судзе.
