Стан моста на Фамичова. Фота: newgrodno.by
Пешаходны мост на вуліцы Фамічова, каля Румлёўскага парка, рыхтуюць да рэканструкцыі. Яго збіраюцца замяніць цалкам або ўзмацніць пралётныя канструкцыі моста. Мост закрыты ўжо больш за год.
Гарадское ЖКГ шукае распрацоўніка для перадпраектнай дакументацыі, піша канал Urban Hrodna. На распрацоўку гатовы выдаткаваць 30 тыс. рублёў з бюджэтных сродкаў.
Таксама трэба будзе распрацаваць дэманстрацыйныя матэрыялы для разгляду на нарадзе ў першага намесніка старшыні Гродзенскага гарвыканкама.
У праекце трэба будзе прадугледзець перыльную металічную ацынкаваную агароджу і пакрыццё пешаходнага палатна.
На распрацоўку перадпраектных дакументаў даецца тэрмін у два з паловай месяцы — з 30 сакавіка па 14 чэрвеня 2023.
Даўжыня моста 80,8 м, шырыня — 3 м паводле праекта і 2,76 м паводле абследавання, вышыня над ярам — 18 м.
Пешаходны мост праз яр на вуліцы Фамічова закрылі яшчэ ў пачатку 2022 года — для абследавання. Працы на ім не вяліся. Восенню 2022 года выявілася, што праектная дакументацыя на мост страчаная.
«Матэрыялы, з якіх ён выраблены, кажуць аб саматужным спосабе вытворчасці. У Гродне ёсць некалькі такіх мастоў, якія з’явіліся „паўкустарным“ спосабам. Людзі да іх прывыклі, а на іх няма дакументацыі, таму вызначыць ступень зносу, кантрольныя сілавыя кропкі і магчымасць рэканструкцыі — мы нават не ведаем, што там закладзена», — апісаў сітуацыю Уладзімір Каранік.
Гродзенскі гарвыканкам абяцаў вывучыць патрэбу гараджан у мосце і ў залежнасці ад яе будаваць (або не) мост наноў.
Яшчэ ў 2021 годзе было бачна, што мост у кепскім стане: лушчылася фарба, састарэў асфальт, праржавелі канструкцыі, агаліліся арматуры, нахіліліся агароджы.
Чытайце таксама:
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…