Гродзенка Ларыса Жыгар, якая ўзначальвала рух «Маці 328», праходзіць рэабілітацыю пасля цяжка хваробы. З-за гэтага жанчына не ўдзельнічае ў грамадскім жыцці, паведаміў Telegram-канал MAYDAY.TEAM.
Лідарка другога крыла арганізацыі ў Гомелі Таццяна Канеўская знаходзіцца ў турме. У час прэзідэнцкіх выбараў 2020 года яны была даверанай асобай Святланы Ціханоўскай. Яе затрымалі і ў траўні 2021 асудзілі за нібыта масавыя беспарадкі і планы па захопе будынкаў на шэсць гадоў калоніі. У студзені 2022 ёй змянілі рэжым на турэмны.
Чытайце таксама: «Я знайшла справу жыцця». Ларыса Жыгар пра «Маці 328», выхад сына з турмы, галадоўкі і выбары
Ларыса Жыгар — пенсіянерка, актывістка і сябра Беларускай сацыял-дэмакратычнай партыі «Грамада». Стварыла рухі «Маці-328», калі яе сына асудзілі паводле арт.328 КК (Незаконны абарот наркатычных і псіхатропных рэчываў). Пасля яго выхаду на волю працягнула працу ў арганізацыі і разам з іншымі дамагалася перагляду «наркатычных» спраў.
Зараз рух «Маці 328» без лідара. Акрамя гэтага ёсць праблема ў адсутнасці адвакатаў, якія гатовыя прадстаўляць інтарэсы грамадзянскай ініцыятывы нават за грошы.
Паводле інфармацыі MAYDAY.TEAM чыноўнікі неафіцыйна дазволілі выкарыстоўваць назву «Грамадзянская ініцыятыва «Рух маці-328». Яе удзельнікаў не будуць лічыць чальцамі незарэгістраванага грамадскага аб’яднання. Выступаць ад імя такой арганізацыі зараз у Беларусі забаронена — за гэта можа атрымаць да двух гадоў пазбаўлення волі.
Зараз удзельнікі руха ходзяць на прыёмы да дэпутатаў Палаты прадстаўнікоў у розных гарадах. У жанчын атрымалася патрапіць да памочніка Аляксандра Лукашэнкі па Мінскай вобласці генерала Уладзіміра Калача.
Рух «Маці 328» папрасіў кіраўніка пастаянной камісіі Савета Рэспублікі па заканадаўстве і дзяржбудаўніцтве Сяргея Сіўца перадаць старшыні Савета Рэспублікі Наталлі Качанавай падзяку за тое, што апошняя амністыя, прымеркавана да Дня народнага адзінства, закранула непаўнагадовых з бабруйскай Выхаваўчай калоніі № 2, асуджаных паводле артыкула 328 КК. Сівец нават паабяцаў прадстаўнічкам руху правесці канферэнцыю наконт прымянення артыкулу 328.
Паводле MAYDAY.TEAM, гэта быў намёк для Качанавай. Маўляў, яна дасканала ведае праблему, але больш не хоча займацца гэтай тэмай.
У 2019 годзе ўлады пайшлі на змякчэнне санкцый дзвюх частак артыкула 328 КК. Паводле інфармацыі MAYDAY.Team, прычынай стала тое, што ў турму за нарказлачынствы трапілі дзеці высокапастаўленых чыноўнікаў. Аўтары канала сцвярджаюць, што менавіта яны стаялі за спінамі маці і падказвалі, да каго трэба звяртацца.
Забег адбудзецца 15 чэрвеня. Агульная колькасць слотаў для жадаючых прыняць удзел – 1000. За першыя…
Гродзенскі краязнаўца і блогер Яўген Аснарэўскі звярнуў увагу на псеўдагістарычны артыкул у расійскім выданні “Аўрора”…
Такую статыстыку апублікаваў Бераставіцкі райвыканкам. Згодна з падлікам чыноўнікаў, працу ў раёне шукае толькі адзін…
Турагенцтва «Нямнова тур» абвясціла адкрыццё сезону восеньска-зімовых сплаваў на байдарках па Нёмане. Гродзенцам абяцаюць, што…
Беларуска гатуе незвычайны сыр, знаёмый многім па кірмашах і рамесных крамах у Літве. Там яго…
У Беларусі актыўна рассылаюць апавяшчэнне пра выбары і рэферэндум ад імя нібыта «Цэнтральнай Выбарчай Камісіі…