В Налибокской пуще. Фото иллюстративное, onliner.by
Лясгас Гродзенскай вобласці абавязалі заплаціць больш за 350 тысяч рублёў, каб кампенсаваць шкоду навакольнаму асяроддзю і кошт незаконна здабытай прадукцыі. Супрацоўнікі лясгаса ссеклі 1224 дрэў у рэспубліканскага ландшафтным заказніку «Налібоцкі» і вывезлі іх з месца нарыхтоўкі. Суд прызнаў, што гэта было незаконна.
Суцэльная санітарная высечка больш за тысячы дрэў розных парод — сасны, елкі, бярозы, дуба — прайшла яшчэ ў кастрычніку 2020 года.
Дзяржаўная інспекцыя аховы жывёльнага і расліннага свету пры прэзідэнце змагла даказаць, што высечаныя дрэвы не былі загінулымі. Наадварот, яны былі біялагічна ўстойлівымі і з’яўляліся домам для дзікарослых раслін і дзікіх жывёл, уключаных у Чырвоную кнігу Беларусі. Дазвольныя дакументы на высечку былі аформленыя з парушэннем вызначанага парадку, без фактычнага лесапаталагічнага абследавання лясных участкаў.
Справу разглядаў Эканамічны суд Гродзенскай вобласці. Адказчык не прызнаў віну і адмовіўся добраахвотна кампенсаваць шкоду. На думку лясгаса, аформленыя з парушэннем высечкі не пашкодзілі навакольнаму асяроддзю, а наадварот, паспрыялі яе ахове. Па словах прадстаўніка лясгаса, высечаныя дрэвы страцілі біялагічную ўстойлівасць з-за пагодных фактараў, хварэлі і былі пашкоджаныя ствалавымі шкоднікамі. Работнікі лясгаса знайшлі на іх вяршыннага караеда, сасновага коканапрада, сасновага пільшчыка і сінюю сасновую златку, а таксама моцнае паражэнне небяспечным фітапатагенным грыбам. Таксама адказчык сцвярджаў, што закранутасць шкоднікамі і хваробамі на участках, якія трапілі пад высечку, была масавай, і моцна аслабленыя і ўсохлыя дрэвы там складалі больш за 60% усяго дрэвастою.
Тым не менш суд вырашыў, што шкоду навакольнаму асяроддзю даказалі: знішчана і пашкоджана асабліва ахаваная прыродная тэрыторыя, унікальны драўняны масіў, а яго экалагічная каштоўнасць паменшылася. Агульную шкоду ацанілі ў 367 344 рублёў 46 капеек. Лясгас спрабаваў абскардзіць рашэнне, але яго пакінулі ў сіле.
Чытайце таксама:
Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…
Гродзенка купіла клубніцы ў шакаладзе ад кавярні MyLoverBerry і вырашыла пакаштаваць яе на відэа. Дзяўчыну…
Вядучая "Марафону адзінства" Анастасія Кісель, студэнт года і дэлегат Усебеларускага народнага сходу, павінна была атрымаць…
Жыхара Ваўкавыска Леаніда Трафімовіча пачалі судзіць 21 студзеня. Працэс па арт. 370 КК "Здзек з…
Суды разгледзелі і задаволілі ў 2024 годзе 140 заяў ад пракуратуры Гродзенскай вобласці аб прызнанні…
Пра арышт кватэры блогер і экс-палітвязень Вадзім Ермашук даведаўся з паведамлення Следчага камітэта. Ён размясціў…