Навіны

Пацярпелыя на «Гродна Азот» прамысловыя альпіністы яшчэ не вярнуліся да працы

Пасля атручвання аміякам у пачатку верасня 2022 года прамысловыя альпіністы, браты Андрэй і Сяргей Марцінчыкі, не вярнуліся да працы ў «Будмантажхімабароне». Адзін з братоў да гэтага часу не аднавіўся. На «Гродна Азот» падвялі вынікі года па парушэннях тэхнікі бяспекі.

2 верасня 2022 года пры правядзенні агляду факельнай устаноўкі цэха аміяк-3 альпіністам Андрэю і Сяргею Марцінчыкам стала дрэнна. Братоў даставілі ў аддзяленне таксікалогіі бальніцы хуткай медыцынскай дапамогі Гродна. Андрэй трапіў у рэанімацыю. У штучнай коме ён прабыў не менш за тыдзень.

Па версіі «Рабочага руху», пасля капітальнага рамонту ў цэхах узніклі праблемы — дэфект калоны сінтэзу. Адбылася блакіроўка перадклапанаў на лініі аміяку і выхад прадукту — работнікі атруціліся.

Па словах кіраўніцтва, супрацоўнікі прыступілі да працы без узгаднення з начальнікам цэха аміяк-3 і афармлення дакументаў. Кіраўніцтва цэха аміяк-3 зрабіла вусныя заўвагі галоўнаму інжынеру «Будмантажхімабарона» Сяргею Камеку з нагоды якасці выкананых работ.

Да працы не вярнуліся

Паводле інфармацыі Hrodna.life, на люты 2022 года Андрэй Марцінчык цалкам не аднавіўся і мае патрэбу ў доглядзе. Яго брат Сяргей адчувае сябе нармальна, але пакуль не працуе і знаходзіцца дома. З нагоды кампенсацыі або ўзбуджэння якога-небудзь крымінальнай справы з імі ніхто не размаўляў.

Газападобны аміяк ў малой канцэнтрацыі выклікае пякоту ў вачах і слязістасць, пры павелічэнні дозы — хімічны апёк рагавіцы і нават слепату. Удыханне аміячных выпарэнняў можа пагібельна адбіцца на дыхальных шляхах арганізма: пяршэнне ў горле, цяжкасць дыхання, кашаль. Далей — галавакружэнне, млоснасць, пакутлівыя мігрэні, катар дыхальных шляхоў. Сімптомы могуць то знікаць, то вяртацца з новай сілай. Акрамя гэтага, дадзены газ аказвае нервова-паралітычнае дзеянне ў выглядзе змяненняў у паводзінах і трызнення, а таксама робіць гіперадчувальнымі органы слыху: магчымыя глухата або курчы і моцныя болі ў вушах, паведамляе mocgeoz.by.

Парушальнікам забаранілі доступ

На прадпрыемстве разгледзелі аналіз парушэнняў падраднымі арганізацыямі тэхнікі бяспекі. Заўвагі ёсць:

  • па арганізацыі агнявых і вышынных работ,
  • да спраўнасці і выкарыстання сродкаў пажаратушэння,
  • да выкарыстання сродкаў індывідуальнай абароны.

Адказным, якія дапусцілі парушэнні, на год забаронены доступ на прадпрыемства, паведаміў начальнік упраўлення прамысловай бяспекі і аховы працы філіяла Валерый Сантоцкі. Хто гэта, у карпаратыўным выданні «Гродзенскі хімік», не раскрылі.

Аддзел аховы працы прадпрыемства чакае рэарганізацыя. Спецыялісты пройдуць дадатковае навучанне і атэстацыю.

Чытайце таксама: Здарэнне на «Гродна Азот»: «Адзін супрацоўнік у коме, адзін у свядомасці, дапытваюць следчыя» (абноўлена)

Падзяліцца

Апошнія запісы

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025

Падключыся або зачыніся: у Гродне патрабуюць выконваць норму, якой няма ў законе

Уладальніцу гродзенскага бара аштрафавалі на 210 рублёў за парушэнне начнога рэжыму працы. Аднак у цэнтры…

22 красавіка 2025

У стогадовым доме на Горкага адкрылі «інстаграмную» кавярню

Новая ўстанова з'явілася ў старажытным доме на Горкага, 47А. Кавярня “Zолото” ужо працуе ў тэставым…

21 красавіка 2025

Прадаецца «Гарадзенская кавярня» на Маркса. Уладальнікі пераязджаюць

Уладальнікі "Гарадзенскай кавярні", якая знаходзіцца на вуліцы Маркса, 5, прадаюць установу і з'язджаюць з Гродна.…

21 красавіка 2025

На гродзенскіх пляжах ўсталююць відэакамеры. Што яшчэ новага рыхтуюць да пляжнага сезону?

Нагодай для гэтага стала абнаўленне гарадскіх пляжаў і неабходнасць абараніць іх ад вандалаў. Зараз на…

18 красавіка 2025