Будынак на вуліцы Асіпенкі,3. Крыніца: gcn.by
Будынак у стылі драўлянага канструктывізму на вуліцы Асіпенкі, 3 прадалі з аўкцыёна. За нерухомасць змагаліся два ўдзельнікі. У выніку будынак прадалі за 9,4 тыс. рублёў, паведаміў «Вячэрні Гродна».
Участак выставілі на аўкцыён у снежні 2022 года. Пачатковая цана лота была 8,5 тыс. рублёў. Будынак выкупіла адна з гродненскіх мэблевых груп кампаній. Што плануюць зрабіць з будынкам, пераможца аўкцыёна не паведаміў.
Новаму ўладальніку трэба будзе не проста нешта збудаваць, але аднавіць канструкцыйныя і стылістычныя асаблівасці менавіта таго будынка, які стаіць на ўчастку зараз.
Пераможца таргоў зможа пабудаваць максімум трохпавярховы будынак не вышэйшы за 11 метраў ад узроўню зямлі да вышэйшай кропкі даху. Ён павінен будзе аднавіць фасады ў стылістыцы драўлянай архітэктуры, характэрнай для існуючай гістарычнай забудовы Новага свету і Настаўніцкай калоніі.
З архітэктурных асаблівасцяў элементаў фасадаў трэба прымяніць драўляныя матэрыялы для аддзелкі і выключыць дысаніруючыя элементы. Таксама праекціроўшчыкі будуць абавязаныя ўлічыць дзяленне і модуль аконных і дзвярных праёмаў, ліштвы, абрамленне вокнаў, іншыя дэкаратыўныя элементы.
У сакавіку 2019 года будынак на Асіпенкі, 3 планавалі зруйнаваць, але ў красавіку 2019 года яго выставілі на аўкцыён. Гэта адбылося пасля сустрэчы гродзенскага гісторыка Мечыслава Супрона са старшынёй гарвыканкама Мечыславам Гоем.
Тады праз аўкцыён гарадскія чыноўнікі хацелі праверыць, ці ёсць цікаўнасць у інвестараў і гараджан да драўлянай архітэктуры.
Дом № 3 на вуліцы Асіпенкі быў пабудаваны ў 1930-я гады. Ён уваходзіў у комплекс жылых, грамадскіх і гаспадарчых пабудоў у стылі драўлянага канструктывізму.
Да Другой сусветнай вайны гэты раён называўся Настаўніцкай калоніяй. Да 1939 года ў будынку жылі настаўнікі, якія працавалі ў бліжэйшай школе № 8. У савецкі час у дом засяліліся звычайныя працоўныя. У 2015 годзе жыхароў адсялілі. Пасля гэтага дом прастойваў, але нават без жыхароў ён быў у здавальняючым стане.
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…