Новости

Басейн з відам на М6 і зала для міжнародных спаборніцтваў. У Гродне прэзентавалі новы спарткомплекс

Архітэктурна-планіровачную канцэпцыю будучага спарткомплексу на выездзе з Гродна ў бок Мінска прэзентавалі ва ўпраўленні будаўніцтва, архітэктуры і горадабудаўніцтва гарвыканкама ў чацвер, 2 лютага.

Гэта ўжо паўторныя грамадскія абмеркавання праекта. Пасля першых з яго знікла гасцініца каля асноўнага будынка, а замест лёгкаатлетычнага манежа з’явіўся вялікі басейн з блокам саунаў.

У плане спарткомплекс ўяўляе сабой выгнутую выцягнутую форму. Вітражы тарцоў будынка разгорнутыя на ўезд і выезд з Гродна. Таксама на ўезд будуць арыентаваны вітражы залаў гульнявых відаў спорту і басейна. Сам будынак і тэрыторыя вакол яго будуць з падсветкай.

Крыніца: «Вечерний Гродно»
Крыніца: grodno.gov.by, скрыншот Hrodna.life

Спарткомплекс пабудуюць цалкам крытым, без пляцовак або бегавых дарожак на прылеглай тэрыторыі, піша «Вечерний Гродно». Іх уладкаванне немагчыма, бо ўчастак размешчаны ў санітарна-ахоўнай зоне «Гродна Азот». Месца будучай будоўлі вызначыла кіраўніцтва вобласці.

З поўдня ўчастак праектавання абмежаваны вуліцай Белуша, з поўначы — Скідзельскай шашой, з захаду — тэрыторыяй АЗС з мыйняй, з усходу — зялёнай зонай і шматузроўневай развязкай. Праекціроўшчыкі - УП «Інстытут Гроднаграмадзянпраект».

Што ўнутры: паверх першы

У цэнтральнай частцы размесцяць асноўную залу гульнявых відаў спорту з трыбунамі на 2 000 гледачоў. Яна прызначана для спаборніцтваў міжнароднага ўзроўню па міні-футболе, гандболе, валейболе і баскетболе.

План першага паверха новага спарткомплексу. Крыніца: grodno.gov.by, скрыншот Hrodna.life

Справа — малая гульнявая зала на 500 гледачоў. Там будуць праводзіць размінкі, трэніровачныя заняткі і міжнародныя матчы.

У левай частцы будынка размесцяць залу з басейнамі. Большы з іх будзе 50 на 25 метраў, у меншым будуць вучыць плаваць. Побач уладкуюць блок саунаў і распранальні.

Усе тры залы аб’яднаны агульным вестыбюлем. Там будуць працаваць касы, гардэроб для наведвальнікаў і санвузлы. У зоне для спартсменаў будуць распранальні, медпункт, допінг-кантроль, медыка-аднаўленчы цэнтр і гасцявыя распранальні, трэнерскія, дапаможныя і тэхнічныя памяшканні.

Што ўнутры: паверх другі

На другім паверсе адкрыюць кафэ на 100 месцаў, залу для прэс-канферэнцый, фітнес- і трэнажорная залы з распранальнямі, адміністрацыйны блок, навучальныя кабінеты, распранальні і трэнерскія.

План другога паверха новага спарткомплексу. Крыніца: grodno.gov.by, скрыншот Hrodna.life

У асноўным зале на другім узроўні будзе віп-зона. Таксама там размесцяцца два памяшканні для каментатараў - для асноўнай і для малой гульнявой залы.

У зоне басейна на другім паверсе будуць трыбуны на 500 гледачоў, блок трэнерскіх і тэхнічныя памяшканні.

Што ўнутры: паверх трэці

На трэцім паверсе над гульнявымі заламі знаходзіцца гарышча з зонамі для тэхнічных памяшканняў. У крыле з басейнамі - зала сухога плавання, віп-зона, памяшканне для прэсы і тэлебачання, дапаможныя і тэхнічныя пакоі.

План трэцяга паверха новага спарткомплексу. Крыніца: grodno.gov.by, скрыншот Hrodna.life

Да ўсіх глядацкай залаў, у трэнажорную залу і басейн будзе арганізаваны доступ для людзей з інваліднасцю. У басейне прадугледжаны адмысловы пад’ёмнік, які дасць ім магчымасць сысці ў ваду. На іншыя паверхі прадугледжаны ліфт.

Як даехаць

Зручнага даезду да будучага спарткомплексу грамадскім транспартам зараз няма. Як менавіта яго арганізаваць, вырашаецца з ДАІ. Першы варыянт — зрабіць прыпынкі насупраць спарткомплексу паабапал вуліцы Белуша, і ўсталяваць святлафор для пераходу праз яе. Другі варыянт — пракласці маршрут па Скідзельскай шашы. Праблема тут у тым, што яна тупіковая, гэта будзе канчатковы прыпынак. Таксама яна мае патрэбу ў рэканструкцыі.

Размещение спорткомплекса по Генплану и схема подъездов

Заехаць на тэрыторыю спарткомплексу на асабістым аўто можна будзе як з боку Белуша, так і са Скідзельскай шашы. З боку шашы будуць праезды і паркоўка на 334 машына-месцы і 8 аўтобусаў. Праекціроўшчыкі ўпэўненыя, што гэтага хопіць з улікам максімальнай ўмяшчальнасць вялікай гульнявой залы на 2 000 гледачоў.

Чытайце таксама:

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025