760 кватэр — шматдзетным, 500 — вайскоўцам. Колькі жылля плануюць пабудаваць у Гродзенскай вобласці ў 2023

У Грандзічах дабудуюць школу, у Альшанцы паліклініку, а кватэры будуць будаваць для шматдзетных сем’яў і вайскоўцаў. Што і дзе ў Гродзенскай вобласці плануюць узвесці ў 2023 годзе, расказаў «Гродзенскай праўдзе» першы намеснік старшыні камітэта па архітэктуры і будаўніцтве Гродзенскага аблвыканкама Юрыя Халімоненка.

Для вайскоўцаў пабудуюць больш за 500 кватэр, а для дзяцей-сірат — 40

Не менш за 465 тыс. кв.м жылля плануюць пабудаваць у Гродзенскай вобласці ў 2023 годзе. З іх 155 тыс. кв.м. пабудуюць з дзяржаўнай падтрымкай.

У прыярытэце — будаўніцтва жылля для шматдзетных сем’яў. Для іх пабудуюць не менш за 760 кватэр. Для вайскоўцаў пабудуюць 545 арэндных кватэр. Для дзяцей-сірат — 40 кватэр, 20 з якіх ужо гатовыя. Іх здалі ў эксплуатацыю ў студзені 2023 года ў Шчучыне.

У Скідзелі плануюць здаць 84-кватэрны дом для тых, хто стаіць у чарзе на паляпшэнне жыллёвых умоваў.

Таксама «Гроднажылбуд» плануе ўзвесці не менш за 100 тыс. кв.м жылля на камерцыйнай аснове.

Колькі будзе каштаваць квадрат: для льготнікаў і на камерцыйнай аснове

У 2023 годзе нарматыў цаны квадрата пры льготным крэдытаванні - 1017 рублёў. Пры дзяржпадтрымцы шматдзетных сем’яў з вясковай мясцовасці - 1179 рублёў. Калі цана будзе вышэй, то розніцу павінен пакрыць сам чалавек з уласных сродкаў альбо з дапамогай камерцыйнага крэдыта.

Цана квадратнага метра жылля на камерцыйнай аснове вышэйшая. У будучым раёне вуліц Соламавай, Хвойнай і Фолюш «Гроднажылбуд» хоча ад 1710 да 1780 рублёў за квадрат.

Дзе пабудуюць школы і садкі

У 2023 годзе плануюць скончыць будаўніцтва школы ў мікрараёне Грандзічы і шматпрофільнай паліклінікі ў Альшанцы. У Лідзе і Слоніме дабудуюць дзіцячыя садкі. У Грандзічах плануюць пачаць будаваць дзіцячы садок на 335 месцаў, а ў Ашмянах — на 190 месцаў.

У Ваўкавыску плануюць скончыць рэканструкцыю стадыёна СДЮШАР № 1, у Лідзе — філіяла Гродзенскай вучэльні алімпійскага рэзерва.

Што ў вобласці будуюць зараз

Сярод маштабных пабудоўваў Халімоненка назваў будаўніцтва анкалагічнага дыспансэра і рэканструкцыю хірургічнага корпуса Гродзенскай універсітэцкай клінікі. У Зельвенскай цэнтральнай раённай больніцы плануюць правесці рэканструкцыю тэрапеўтычнага корпуса пад размяшчэння паліклінікі.

У Ваўкавыскай раённай бальніцы рэканструююць былыя будынкі тэрапеўтычнага і хірургічнага аддзяленняў для размяшчэння дзіцячай паліклінікі, клініка-дыягнастычнай лабараторыі і кожна-венералагічнага аддзялення.