Навіны

Фотаальбом з Гродна 1950-х знайшлі ў Беластоку. Гэта быў падарунак ад Камуністычнай партыі

Альбом «Гродна сацыялістычны» з фотаздымкамі горада 1950-х гадоў адшукалі ў Беластоку. Ён належаў цётцы гісторыка Алега Латышонка, паведаміў MOST.

«Гродна сацыялістычны». Крыніца: mostmedia.io

Фотаальбом вагой каля 10 кілаграм Алег Латышонак адшукаў у кватэры сваёй цёткі Зінаіды Стоцкай, якая памерла летась. Калісьці яна працавала ў ваяводскім камітэце Польскай аб’яднанай працоўнай партыі (партыя ўлады, аналаг камуністычнай партыі ў СССР). Альбом — падарунак Беластоцкаму ваяводскаму камітэту з нагоды 40-годдзя ўтварэння Кампартыі Польшчы ад Гродзенскага абласнога камітэта Камуністычнай партыі БССР.

Якія фотаздымкі ёсць у альбоме

У альбоме можна ўбачыць фотаздымкі прадпрыемстваў і ўстаноў Гродна 1950-х гадоў, фота вуліц і гарадскіх мерапрыемстваў. Ёсць некалькі фотаздымкаў з Кузніцы і Беластока. Подпісы ў альбоме на беларускай мове.

«Відаць па партыйнай лініі прыйшло ў Беласток. Нават не ведаю, каму дарылі гэты альбом, ці была Зінаіда ў Гродне. Можа яна яго атрымала, калі архіў партыйны ліквідавалі, то забрала сябе на памяць. Ён павінен быў быць у мясцовым архіве, куды і патрапіў архіў польскай партыі ў Беластоку. Але чамусьці апынуўся ў маёй цёткі. Не думаю, што такі альбом ёй маглі падараваць. Гэта ўсё, што я ведаю», — сказаў Алег Латышонак.

Алег Латышонак — польскі і беларускі гісторык, педагог, перакладчык, грамадскі дзеяч. Доктар гістарычных навук, прафесар.

«Было выпушчана толькі некалькі паасобнікаў»

Альбом унікальны для Гродна. Магчыма, у горадзе такога наогул няма. «Гэта рэч не для масавага спажыўца, вельмі абмежаваны наклад. Здаецца, было выпушчана толькі некалькі паасобнікаў. Рабілі на замову, як падарунак. Ён зроблены пад канкрэтныя падзеі для гродзенскіх і беластоцкіх мясцовых уладаў. Гэтыя штукі былі моднымі ў тыя часы, зараз друкаваныя альбомы замаўляюць, а раней былі такія», — сказаў адзін з гродзенскіх гісторыкаў.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025