Гродзенца затрымалі за размовы з расіянамі ў чат-рулетцы. Пра затрыманне стала вядома пасля публікацыі ў праўладным Telegram-канале «Пульс Гродно».
Мужчына сказаў, што знаходзіў у чат-рулетцы «патрыётаў Расіі» і ўступаў з ім у сварку. На думку сілавікоў, гэтым ён падтрымлівае «неанацыстаў Украіны» і «распальвае нацыянальную варожасць паміж беларусамі, расіянамі і ўкраінцамі». «Канапавы „герой“ абражаў і заклікаў да гвалту ў чат-рулетцы, эфіры з якой запісваў і публікаваў, выхваляючыся сваёй беспакаранасцю», — напісалі сілавікі.
Інфармацыю пра мужчыну і яго YouTube-канал ім даслалі падпісчыкі ў бот, паведамілі адміністратары. Верагодна, у дачыненні да мужчыны ўзбудзяць крымінальную справу па арт. 130 КК.
Чат-рулетка — сайт, які дазваляе ананімна мець зносіны з дапамогай відэа і тэксту. Наведвальнік сайта патрапіць на выпадкова абранага карыстальніка і пачынае з ім анлайн-чат. У любы момант суразмоўцу можна змяніць.
Раней у Гродне затрымлівалі за абразлівыя каментары ў адрас Уладзіміра Пуціна і Рамзана Кадырава і заклік ўжываць гвалт да расійскіх вайскоўцаў.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…