У Гродне хварэюць на траціну больш людзей, чым год таму. Што рабіць, калі вам не пашанцавала

З канца лістапада ў Гродне рэгіструюць рост захворвання вострымі рэспіраторнымі віруснымі інфекцыямі. У гэтым годзе хворых на 35% больш, чым у той жа перыяд мінулага года.

Больш за палову захварэлых — дзеці, удакладняе «Гродно Плюс» са спасылкай на занальны цэнтр гігіены і эпідэміялогіі.

Звычайныя сімптомы — высокая тэмпература, кашаль і насмарк. Сярод ВРІ сустракаецца каранавірус. Хворых COVID-19 стала менш дзякуючы імуннай праслойцы, якая ўтварылася за кошт вакцынацыі сярод насельніцтва, лічаць медыкі. Першасны курс вакцынацыі прайшлі больш за 71% насельніцтва, а бустерную дозу атрымалі больш за 90% з тых, хто скончыў першасны курс.

Бустерная вакцынацыя важная, бо на працягу паўгода пасля імунізацыі ўзровень антыцелаў у арганізме паступава зніжаецца.

Вакцынаваць супраць грыпу ўжо скончылі. Селета прышчапілася больш за 40% насельніцтва.

Як адрозніць грып ад ВРВІ і як быць, калі захварэлі?

Да ВРВІ звычайна адносяць грып, парагрып, адэнавірусную інфекцыю, рынавірусную інфекцыю, рэспіраторна-сінтыцыйную, каранавірусную інфекцыю і больш за дзве сотні ВРЗ, выкліканых вірусамі.

Грып сярод іншых ВРВІ вылучае востры, раптоўны пачатак хваробы, стамляльнасць і слабасць, якія могуць доўжыцца да 2−3 тыдняў, часам застаюцца і пасля акрыяння, боль і ламота ў целе, магчымы моцны галаўны боль, тэмпература да 39−40 градусаў на працягу 3−4 дзён. Кашаль можа быць моцным і даць ўскладненне ў выглядзе бранхіту і пнеўманіі, а вось насмарк наадварот, калі і бывае, то не з першага дня, як і запалёнае горла. Вірусы добра захоўваюцца ў навакольным асяроддзі.

У выпадку заражэння лекары раяць:

  • звярнуцца па медыцынскую дапамогу,
  • трымацца пасцельнага рэжыму,
  • піць не менш за паўтары літраў цёплай вадкасці ў дзень. Лепш — злёгку кіслай, з павышаным утрыманнем вітаміна С — узвары, морсы з журавін або брусніцаў, зёлкавыя гарбаты з сокам лімона.
  • вялікія дозы аскарбінавай кіслаты (500−1000 мг на дзень) дапамогуць падтрымаць імунітэт.
  • гарачкапаніжальныя паказаны пры тэмпературы вышэйшай за 38 °C. Лепш выбіраць прэпараты з парацэтамолам або ібупрафенам. Аспірын і анальгін могуць выклікаць цяжкія ўскладненні ў першую чаргу ў дзяцей.
  • важна таксама не забываць праветрываць і праводзіць вільготную ўборку.

Асноўнымі супрацьвіруснымі прэпаратамі для лячэння грыпу і ВРВІ медыкі называюць рымантадзін і арбідол. Прыём іх на працягу першых 24 гадзін з пачатку захворвання або пасля кантакту з хворым для лячэння або прафілактыкі памяншае клінічныя праявы і працягласць хваробы.

Чытайце таксама:

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025