Больш за 50 чалавек прынялі ўдзел у фестывалі зімовага купання і гартавання «ЗакалФэст». Ён адбыўся ў Гродне 27 лістапада 2022 года. Удзельнікі маглі прабегчы дыстанцыі 2,5 км, 10 км і 15 км, паведаміла БелТА.
Удзельнікі фестывалю беглі ўздоўж набярэжнай: ад гарадскога пляжа да Каложскага парка. Мужчыны беглі з голым торсам альбо ў лёгкай цішотцы, жанчыны — у купальніках. Таксама на фестывалі арганізавалі «маржаванне». Некаторыя ўдзельнікі акунуліся ў Нёман мінімум тры разы, абліваліся вадой і праплылі 15−20 метраў. Пасля гэтага ўдзельнікі маглі папарыцца ў мабільнай саўне.
У Гродне «ЗакалФэст» арганізавалі ўпершыню. Раней яго праводзілі ў Мінску. «Мы зразумелі, што гэта зараз актуальна, што гэта зараз у трэндзе, неабходна гартавацца», — сказаў арганізатар фестывалю Сяргей Зыкаў.
Удзельнічалі ў фестывалі не толькі гродзенцы. Напрыклад, Таццяна Гурская прыехала з Асіповічаў. «Гэта ўжо не першы раз, я ўжо гартуюся. Не так часта такія спаборніцтвы бываюць, таму трэба абавязкова паўдзельнічаць», — сказала Таццяна.
Пераможцаў на 15 км дыстанцыі ўзнагародзілі грашыма. Іншых пераможцаў - сертыфікатамі і медалямі.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
