Будынак былой чыгуначнай бальніцы ў Гродне. Фота: sb.by
Будынак былой чыгуначнай бальніцы ў Гродне працягваюць рэканструяваць пад Гродзенскі абласны скурна-венералагічны дыспансер. Ён знаходзіцца на вул. Будзённага, 2. Наперадзе — другая чарга будаўніцтва. Перад пачаткам будаўніцтва аб’ект чакаюць грамадскія абмеркаванні.
Праект прадугледжвае будаўніцтва ў дзве чаргі. У 2018 годзе завяршылі рэканструкцыю чатырохпавярховага будынка стацыянара і ўвялі яго ў эксплуатацыю. Таксама добраўпарадкавалі прылеглую тэрыторыю.
На чарзе — рэканструкцыя існуючых карпусоў, якія прымыкаюць да стацыянара, і ўзвядзенне новага корпуса. Пры гэтым добраўпарадкуюць астатні ўчастак і агародзяць тэрыторыю. Добраўпарадкаванне ўключае ўладкаванне пакрыццяў, арганізацыю паркоўкі і азеляненне тэрыторыі.
Адзін з карпусоў будынка мае статус гісторыка-культурнай каштоўнасці як частка гістарычнага цэнтра Гродна.
Пры рэканструкцыі знясуць нежылыя нядзейсныя пабудовы. Архітэктурнае аблічча аб’екта звяжуць з аб’ектамі гістарычнай забудовы, размешчанай побач.
Заказчык — Упраўленне капітальнага будаўніцтва Гродзенскага аблвыканкама. Рэканструкцыя ўключана ў інвестыцыйную праграму аблвыканкама на 2022 год для ўдасканалення меддапамогі жыхарам вобласці.
Грамадскія абмеркаванні пройдуць з 28 лістапада па 29 студзеня 2023 года. Рашэнне аб будаўніцтве прымуць да 30 красавіка 2023 года.
Чытайце таксама: «Не адпавядае сучасным патрабаванням». Новая бальніца і анкацэнтр — якія медаб’екты пабудуюць у Гродне
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…