Пантонны мост адкрылі, транспарт не састыкавалі. Гродзенцам не хапае часу, каб паспець на аўтобус пасля пераходу Нёмана

З-за нестыкоўкі расклада грамадскага транспарта гродзенцы не паспяваюць перасаджвацца з аднаго аўтобуса на другі. Прычына — на пераадоленне пантоннай пераправы праз Нёман сыходзіць шмат часу, паведаміла «Гродзенска праўда».

Пантонны мост праз Нёман. Фота: Hrodna.life

«Я езджу з Фолюша на вуліцу Дамброўскага. Да моста дабіраюся на аўтобусе № 7, потым пераходжу пантонную пераправу і далей перасаджваюся на аўтобус № 28. Калі быў адкрыты рух для пешаходаў па мосце, мы паспявалі на гэты аўтобус. Каб перайсці мост, патрабавалася 8−10 хвілін. Пасля таго, як збудавалі пантонны, нам неабходна хвілін 20, каб перабрацца на іншы бераг Нёмана», — сказала Святлана Цепун.

Расклад аўтобусаў не змянілі і ў пасажыраў ёсць 14 хвілін, каб паспець перасесці на іншы аўтобус. «Моладзь бяжыць і то не заўсёды паспявае, але не кожны ў такім узросце, каб бегаць».

Пантонная пераправа праз Нёман працуе з 8 лістапада. Яе праклалі ў раёне Новага моста, які закрылі на капітальны рамонт упершыню з часу адкрыцця ў 1971 годзе.

Што кажуць у тралейбусным упраўленні

«Зараз мы вядзем карэктыроўку расклада гарадскіх маршрутаў, якія едуць да моста па вуліцы Паповіча. У сувязі з гэтым, пакуль там размясцілі расклад транспарта на папяровых носьбітах, паколькі ён яшчэ не канчатковы», — сказала кіраўнічка аддзела арганізацыі гарадскіх аўтамабільных пасажырскіх перавозак «Гродзенскага тралейбуснага ўпраўлення» Святлана Ханевіч.

Ва ўпраўленні ўжо адкарэктавалі маршрут № 28. Зараз плануюць пераглядзець расклад руху аўтобуса № 7. У тралейбусным упраўленні, якое выконвае функцыі гарадскога аператара пасажырскіх перавозак, прымаюць і разглядаюць паступаючыя пажаданні і прапановы гараджан.

Акрамя гэтага, у тралейбуснае ўпраўленне звяртаюцца буйныя прадпрыемствы. Яны таксама просяць «падладзіць» ранішнія і вячэрнія рэйсы пад супрацоўнікаў. Каб яны паспявалі на працу.

Расклад карэктуюць не толькі з-за Новага моста

Зараз у тралейбусным упраўленні карэктуюць расклад транспарта, які ездзіць у раёне новага пуцеправода каля «Гродна Азот». Там дадалі новы прыпынак — «праспект Касманаўтаў», а таксама светлафор. З-за гэтага павялічыўся час руху грамадскага транспарта.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025