Фото: newgrodno.by
Уладальнікі «гістарычнай» «Чабурэчнай» з Ажэшкі адкрылі новую ўстанову са старой канцэпцыяй. Яны захавалі рэцэпты тых-самых-чабурэкаў.
«Чабурэчную» на Ажэшкі справядліва можна было лічыць часткай гарадской гісторыі. Уладальнікі паспрабавалі паўтарыць атмасферу старога месца, піша NewGrodno. Установа адкрылася на той жа вуліцы, што і была, але ў іншым месцы. Новы адрас — Ажэшкі, 36, у арцы дома, дзе знаходзіцца крама абутку «Марка». Назва тая ж, але абноўленая — «СНЕбуречная».
У меню ёсць чабурэкі са свінінай, свінінай і ялавічынай, курыцай, сырам або бульбай з грыбамі. Чабурэк вагой 90 грам каштуе 3 рублі 20 капеек. Таксама тут рыхтуюць курыны булён, ёсць гарачыя і халодныя напоі. У планах — дадаць бліны і пельмені, выбар напояў таксама стане шырэйшым.
У памяшканні каля 15 пасадачных месцаў. Час працы — з 10:00 да 21:00 без выхадных, у пятніцу і суботу да 22:00.
Культавая чабурэчная на Ажэшкі працавала з савецкіх часоў і закрылася толькі ў 2017 годзе. Да апошняга там захоўвалася атмасфера 90-х. Прычынай закрыцця сталі непаразуменні ўладальнікаў чабурэчнай (двух кампаньёнаў) з уладальнікам памяшкання, расказаў адзін з іх. Зараз на гэтым месцы працуе кафэ «Хотей» з сушы і піцай.
Чытайце таксама: Чабурэкі па-гродзенску: рэканструкцыя 90-х і турыстычная атракцыя бязвізавага Гродна
Крыху пазней свежыя чабурэкі па прынцыпе хатняй кухні пачалі гатаваць у новай «Чабуречнай» на Віленскай. С закрытай яе звязвала толькі назва і асноўная страва меню. Гэта было адзінае такое месца ў горадзе. Адна з уладальніц новай установы ў савецкія гады працавала ў вядомай чабурэчнай на Ажэшкі. Таму пасля закрыцця апошняй яна вырашыла адкрыць сваю падобную закусачную.
Сакрэт чабурэкаў «па-гродзенску» быў у простым прэсным цесце без дрожджаў, яек і масла. Для яго патрэбныя толькі мука і малако.
Цеста мусіла быць тугім, для яго замесу выкарыстоўваюць цестамясільныя машыну. Максімальная закладка мукі на адзін замес — да 20 кілаграмаў, але звычайна яго гатавалі ўдвая меншымі порцыямі, каб было заўсёды свежым. Пасля замесу цеста вытрымлівалі 10 хвілін і раскочвалі ў тонкі ліст, таксама машынай.
Класічнае мясное начынне ў чабурэку — 40 грамаў мяснога фаршу з цыбуляй. З спецый дадаюцца толькі соль і чорны перац. Лепка — ручная.
Яшчэ адна асаблівасць чабурэкаў «па-гродненскі» была ў тым, што іх гатавалі без фрыцюру, проста абсмажваючы на чыгуннай патэльні з невялікай колькасцю алею.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
