Мабільны туалет для людзей з інваліднасцю. Ілюстрацыйнае фота з izi.ua
Мабільную туалетную кабіну для людзей з інваліднасцю закупіла Гродзенская гарадская жыллёва-камунальная гаспадарка. Яе павінны даставіць у Гродна 8 лістапада.
Каштуе кабіна 6 000 рублёў. Яе набылі за кошт сродкаў гарадскога бюджэту.
Сярод характарыстык мабільнага туалета — зручныя ручкі для пераносу і перамяшчэння, шырокі дзвярны праём, надзейныя поручні па ўсім перыметры, святлопранікальны дах, унітазнае сядзенне з вечкам.
У дзяржзакупцы не ўдакладнілі, для чаго закупілі мабільную кабіну. Актывістка і ініцыятар некалькіх інклюзіўных праектаў Ганна Яшына лічыць, што якасную кабіну можна выкарыстоўваць на ўсіх гарадскіх масавых мерапрыемствах. Ацаніць яе без фота актывістка не змагла.
— Па-першае, кабіна павінна быць больш чыстая, каб, калі я не ўтрымаюся або ўпаду, гэта не было катастрафічна для майго адзення. Другі момант, які палягчае ўзаемадзеянне — гэта поручні. Я, напрыклад, магу ўстаць каля поручня і зрабіць усе свае справы самастойна. Калі поручня не будзе, хутчэй за ўсё, мне патрэбна будзе дапамога, альбо я наогул не скарыстаюся гэтай кабінай. Павінны быць шырокія дзверы — каб вазочнікі свабодна заехалі туды на вазку.
Біяпрыбіральні, якія выстаўляюць на святах, для людзей з інваліднасцю, як правіла, недаступныя, распавяла Ганна. Раней на гарадскіх мерапрыемствах ёй даводзілася шукаць кафэ з прыстасаваным туалетам. Дзяўчына носіць падгузнікі ў грамадскіх месцах — для падстрахоўкі на выпадак, калі не будзе туалета, які ёй пасуе.
У 2020-м годзе Ганна разам з ўжо ліквідаваным фондам «Добра» рэалізавалі праект «Следуй за улыбкой». Гэта праект па адаптацыі турыстычнага Гродна для людзей з інваліднасцю. У рамках праекта яны збіраліся закупіць біятуалет для людзей з інваліднасцю і падарыць яго гораду для ўстаноўкі ў Каложскім парку. Улады адмовіліся ад яго — маўляў, туалет не прадугледжаны праектам.
Чытайце таксама: Вядомыя і невядомыя прыбіральні Гродна: куды бегчы ў цэнтры горада, калі захацелася «справіць патрэбу»?
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…