Навіны

Праваабаронца спытаў, ці можна пікетаваць у Facebook з БЧБ-сцягам. Вось што адказаў гарвыканкам

Праваабаронца Павел Левінаў спытаў у Віцебскага гарвыканкама, ці можна яму правесці пікет на асабістай старонцы ў Facebook і размясціць там нацыянальны бел-чырвона-белы сцяг. Так ён хацеў публічна выказаць погляды на «падзеі грамадска-палітычнага жыцця». Гарвыканкам забараніў яму гэта рабіць — вось на якой падставе.

У сваім звароце Павел спаслаўся на тое, што раней беларусам выносілі адміністрацыйныя пастановы за размяшчэнне ў сетцы БЧБ-сцяга і прызнавалі гэта пікетам (паводле ч.1 арт. 24. 23 КаАП). Таму ён папрасіў дазволіць правесці масавае мерапрыемства — пікетаванне. Адпаведныя дакументы ёсць у рэдакцыі Hrodna.life.

Дазвольны прынцып правядзення масавых мерапрыемстваў увялі ў новай рэдакцыі закона «Аб масавых мерапрыемствах» у 2021 годзе. Пры гэтым скасавалі паведамляльны прынцып, калі жадаючыя маглі паведаміць выканкаму пра мерапрыемства і правесці яго ў дазволеным месцы.

«Правесці ўборку на акаунце»

У якасці месца правядзення мерапрыемства праваабаронца пазначыў Facebook. Таксама Павел паведаміў аб часе пачатку і канца пікету. «Пасля правядзення пікетавання будзе праведзена ўборка тэрыторыі на старонцы „Павел Левинов“ у сацыяльнай сетцы „Facebook“ („Meta“) глабальнай сеткі Інтэрнэт», — абавязаўся беларус.

Таксама ён паабяцаў «пастаянна прысутнічаць пікетаванні», «мець адметны знак арганізатара пікетавання», «не перашкаджаць руху транспарту і пешаходаў, не ствараць перашкоды для бесперабойнага функцыянавання арганізацый» — як і трэба па законе.

У правядзенні адмовілі

Віцебскі аблвыканкам вырашыў, што заява аформлена няправільна і пададзена ў парушэнне абзаца другога часткі пятай артыкула 5 Закона «Аб масавых мерапрыемствах». У сувязі з гэтым у правядзенні пікету адмовілі. Такі адказ прыйшоў за подпісам намесніка старшыні аблвыканкаму Вячаслава Дурнова.

Праваабаронца будзе абскарджваць адказ гарвыканкама.

Чытайце таксама: Як у Гродзенскай вобласці судзяць за БЧБ-сцяжкі і «Пагоню»

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025