Скриншот репортажа "Гродно Плюс"
Абследаванне моста пачалі 15 верасня. Зараз працы ідуць на праезнай частцы. Першапачаткова рух транспарту праз мост абмежавалі з 20 верасня да 17:00 23 верасня. Але ўсё будзе залежаць ад надвор’я, удакладніў пазней начальнік аддзела добраўпарадкавання ЖКГ Гродна Дзяніс Конан. Пакуль для руху даступна па адной (левай) паласе ў кожны бок.
Для абследавання і вызначэння стану на мосце ўскрылі пераднапружаную арматуру, расказаў Дзяніс Конан на «Гродна Плюс». Праектна-каштарысную дакументацыю па капітальным рамонце збудавання рыхтуе «Белгіпрадор». Цяпер пашкоджанні на мосце відаць і няўзброеным вокам, ёсць дзіркі на ходніку.
Раней капітальны рамонт моста на Паповіча збіраліся пачаць у верасні 2022 года, а індывідуальны праект і праектна-пошукавыя працы падрыхтаваць да кастрычніка. Летам гродзенская гарадская жыллёва-камунальная гаспадарка праводзіла дзяржзакупку на выкананне праектна-пошукавых работ.
Паводле дакументаў, на мосце планавалі замяніць разразные бэлькі, перабудаваць існуючую статычную схему збудаванні на рамкава-бэлечную неразразную з дэфармацыйнымі швамі ў пачатку і канцы моста. Адрамантаваць і ўзмацніць пралётную будову, адрамантаваць апоры, лесвіцы і конусы, перабудаваць маставое палатно і адрамантаваць асфальтабетоннае пакрыццё на падыходах. Ахоўны пласт гідраізаляцыі павінны выканаць з асфальтабетону. Таксама ў планах быў рамонт сістэмы водаадводу з моста для адпаведнасці колькасці і даўжыні водаадводных і дрэнажных трубак нарматывам. Для моста хацелі распрацаваць каляровае рашэнне і падсвятленне, перабудаваць суднавую сігналізацыю. Тады дзяржзакупку прызналі не здзейсненай.
З усіх мастоў, якія збіраюцца адрамантаваць у Беларусі да 2025 года, праект рэканструкцыі Новага моста на Паповіча — самы дарагі. Згодна з пастановай Саўміна ад 29 красавіка 2022 года № 272, на яго капрамонт павінны вылучыць прыкладна 65 млн рублёў з мясцовага бюджэту. Тэрміны рамонту, названыя ў дакуменце — 2023−2024 гады.
Мост здалі ў эксплуатацыю ў 1971 годзе. Капітальнага рамонту з тых часоў не праводзілі. Даўжыня моста складае крыху больш за 300 метраў. Меркаваны тэрмін эксплуатацыі моста пасля рамонту — не менш за 25 гадоў.
Чытайце таксама:
Гіды і экскурсаводы ў Беларусі цяпер павінны ведаць асновы дзяржаўнай ідэалогіі. Такое патрабаванне з'явілася ў…
Айцец Андрэй Крот з Гродна быў у дэлегацыі беларускіх святароў, якая сустрэлася з новым пантыфікам.…
Фатаграфія кабінкі для перапранання на пляжы ў Ласосна патрапіла ў рэдакцыю Hrodna.life. Драўляныя балкі ў…
Псіхолага і дырэктарку ліквідаванага Гродзенскага дзіцячага хоспісу Вольгу Вялічку выключылі са спісу дэлегатаў Каардынацыйнай Рады…
Мужчына вяртае ў гняздо буслам птушаня, якое выпала, - такое відэа ў апошні тыдзень набірае…
Гарадскі выпускны пройдзе 13 чэрвеня на Савецкай плошчы. Запланавана ўрачыстае шэсце і выступленні беларускіх артыстаў.…