Першы беларускі ноўтбук. Крыніца: tochka.by
На заводзе «Гарызонт» распавялі пра першы беларускі ноўтбук. Стала вядома, дзе яго будуць прадаваць, колькі ён будзе каштаваць, а таксама якая гатоўнасць да масавага запуску, паведаміў тэлеканал «Беларусь-1».
Для вытчорчасці першага беларускага ноўтбука мадэрнізавалі вытворчасць на Мінскам вытворчым аб’яднанні вылічальнай тэхнікі (МВАВТ) холдынга «Гарызонт». Там наладзілі канвеер пад камп’ютарную тэхніку, ноўтбукі, маніторы, а таксама PC-блокі.
Беларускага складніка ў ноўтбуку 12%. Да канца 2022 года плануюць дасягнуць 35%. Ужо асвоілі друкаваныя платы і кабельныя злучэнні.
«Мы знаходзімся на этапе праектавання і аснасткі для вытворчасці корпусных дэталяў на адным з нашых прадпрыемстваў. Друкаваныя платы мы ўжо асвоілі. З кабельнымі злучэннямі таксама праблем не ўзнікла. Наш ноўтбук у прынцыпе складаецца з тых жа камплектуючых, што і ў асноўных самых вядомых сусветных брэндаў», — сказаў інжынер-канструктар МВАВТ холдынга «Гарызонт» Андрэй Клімовіч тэлеканалу «Беларусь 1».
У вытворчасці ноўтбука нібыта выкарыстоўвалі «самыя новыя і перадавыя тэхналогіі». Такія ж тэхналогіі выкарыстоўваюць пры вытворчасці аўтаэлектронікі на машынабудаўнічых прадпрыемствах Беларусі і Расіі.
Акрамя самаго камп’ютара, на прадпрыемстве займаюцца распрацоўкай уласнай аперацыйнай сістэмы.
«Задача, якая стаяла перада мной, гэта распрацоўка праграмнага забеспячэння дадзенага ноўтбука. Сістэмы ўводу-вываду, тое, што вядома як BIOS, якая будзе аб’ядноўваць кампаненты камп’ютара і запускаць аперацыйную сістэму. І цяпер мы займаемся распрацоўкай уласнай аперацыйнай сістэмы, каб замяніць тыя аперацыйныя сістэмы, якія сышлі з нашага рынку», — сказаў кіраўнік праекта IOT кіруючай кампаніі холдынгу «Гарызонт» Дзмітрый Малашкевіч тэлеканалу «Беларусь 1».
Гатоўнасць да массавага запуска вытворчасці фактычна 100%. Гэта будуць ноўтбукі з розным «начыненем», залатога і срэбнага колераў. Цана за ноўтбук з дыяганаллю 15,6 дзюймаў будзе 1300 рублёў. Першыя вопытныя партыі ноўтбукаў будуць прадаваць у Расіі.
Беларускі ноўтбук, які дэманстраваў Лукашэнка, вонкава падобны на мадэль Lenovo IdeaPad 3. У іх аднолькавае размяшчэнне і парадак партоў, падобная, клінавідная, форма корпуса, выпірае шарнір, праз які экран мацуецца да асноўнай часткі корпуса, а тачпад змешчаны ўлева.
Забег адбудзецца 15 чэрвеня. Агульная колькасць слотаў для жадаючых прыняць удзел – 1000. За першыя…
Гродзенскі краязнаўца і блогер Яўген Аснарэўскі звярнуў увагу на псеўдагістарычны артыкул у расійскім выданні “Аўрора”…
Такую статыстыку апублікаваў Бераставіцкі райвыканкам. Згодна з падлікам чыноўнікаў, працу ў раёне шукае толькі адзін…
Турагенцтва «Нямнова тур» абвясціла адкрыццё сезону восеньска-зімовых сплаваў на байдарках па Нёмане. Гродзенцам абяцаюць, што…
Беларуска гатуе незвычайны сыр, знаёмый многім па кірмашах і рамесных крамах у Літве. Там яго…
У Беларусі актыўна рассылаюць апавяшчэнне пра выбары і рэферэндум ад імя нібыта «Цэнтральнай Выбарчай Камісіі…