Праект «Санвіно» — рэстаран у летняй тэрасе на БЛК — спыняе працу 31 жніўня. Тэраса застанецца, але пяройдзе да «Залатога цяляці». Міжземнаморская кухня ў гродзенскім спальніку не вытрывала пандэміі і канкурэнцыі з ўстановамі ў цэнтры горада, распавялі ў рэстаране.
У аснове канцэпцыі «Санвіно» ляжыць міжземнаморская кухня і, натуральна ж, віно. Там падаюць рызота, крэветкі і мідыі. Установа працуе з 2019 года ў фармаце летняй тэрасы. Яна размешчана на бульвары Ленінскага камсамола, 29А — у адным будынку з рэстаранам «Залатое цяля». Інтэр'ер тэрасы таксама аформлены ў стылі Міжземнамор'я.
На закрыццё паўплывалі «знешнія фактары» і пандэмія, піша S13. Для падтрымання якасці страваў праект закупляе імпартныя прадукты. У апошні час яны пастаўляюцца з перабоямі, таксама моцна вырас іх кошт, распавялі ва ўстанове. Праз гэта прыйшлося падняць кошты, пастаянных гасцей стала менш. Гэтак жа нязручным паказала сябе размяшчэнне: папулярныя ўстановы і месцы прыцягнення людзей зараз сканцэнтраваныя ў цэнтры.
Да закрыцця ўстанова абяцае правесці некалькі тэматычных вечароў і ладзіць штодзённыя акцыі. 12 жніўня запланавана вячэра за 50 рублёў. У яе ўваходзіць сэвіча з тунца, качыная грудка магрэ з ягадным соусам і келіх чырвонага віна на выбар. 19 жніўня за тую ж суму прапануюць салату з васьміногам і гароднінай, паэлью з морапрадуктамі і келіх белага віна. 26 жніўня ў «Санвіна» пройдзе вустрычны вечар.
Да канца жніўня па серадах усе пасты і рызота будуць каштаваць 17 рублёў, па чацвяргах стравы з грабеньчыка і васьмінога — 29 і 39 рублёў адпаведна. Па выхадных дзейнічае зніжка 20% на сняданкі.
Праект «Санвіно» належыць Паўлу Гардону і Аляксею Гардону, уладальнікам «Залатога цяля». Пасля закрыцця праекта тэраса стане часткай рэстарана «Залатое цяля». Атмасферу на ёй збіраюцца захаваць.
Чытайце таксама:
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…