Новости

У Гродна прыехаў «Цягнік Перамогі», але ён не для ўсіх

На «Цягнік Перамогі» ў Гродне 23 чэрвеня звычайных наведвальнікаў не пусцілі. Выявілася, трапіць туды можна толькі па запрашальных, расказаў Telegram-канал «Право им**т» са спасылкай на гродзенцаў, якія паспрабавалі схадзіць туды з сям’ёй і не прайшлі.

«Хоць вокам зірнуць на незвычайны стылізаваны чыгуначны састаў-музей „Цягнік Перамогі“ хацелася кожнаму, але квіткі на яго ў касах, на жаль, не купіць», — пацвярджае выданне «Гродзенская праўда». На адкрыцці экспазіцыі ў Гродне прысутнічалі Юрый Караеў як каардынатар праекта ад Беларусі, старшыня Пастаяннай камісіі Савета Рэспублікі па адукацыі, навуцы і культуры Віктар Лісковіч, намеснік старшыні Гродзенскага аблвыканкама Віктар Пранюк, начальнік упраўлення адукацыі аблвыканкама Руслан Абрамчык, удзельнікі праекта «Цягнік памяці» і «актыўная моладзь Гродзеншчыны».

Трапіць на цягнік можна, калі хтосьці з запрашальнікам не з’явіўся. Тады на іх месцы дабіраюць з жывой чаргі, якая там збіраецца, расказаў «Sputnik». Прайсці да цягніка можна праз памяшканне мытнага кантролю. Экскурсійныя групы па 15 чалавек запускаюць кожныя пяць хвілін.

Рухомы музей «Цягнік Перамогі» прыбыў у Гродна 23 чэрвеня. У дзевяці вагонах размешчана экспазіцыя, прысвечаная найбольш важным этапам і падзеям Вялікай Айчыннай вайны. У ёй выкарыстаны фігуры людзей і атрыбутыка ў натуральную велічыню, мультымедыйнае і гукавое суправаджэнне, выявы за вокнамі таксама змяняюцца. Цягнік мае 50 відэапраектараў, 18 відэасцен, 12 тач-сталоў, якія дзякуючы светлавым і гукавым эфектам узнаўляюць паветраныя баі, масіраваныя танкавыя атакі, малюнкі паходнага салдацкай жыцця і ўспаміны даваеннага часу. Гэта першая ў свеце інсталяцыя з паглыбленнем, размешчаная ў рухомым саставе цягніка, сказана на сайце праекта. У аснове экспазіцыі - рэальная гісторыя пра жыццё ў ваенныя гады, расказаная ад асобы машыністкі. Дзецям рэкамендавана наведванне толькі з 12 гадоў.

Праект «Цягнік Перамогі» сумесна рэалізавалі Беларуская чыгунка і ААТ «Российские железные дороги» пры падтрымцы Адміністрацыі прэзідэнта Беларусі і Рэспубліканскага валанцёрскага цэнтра. Яго прымеркавалі да «Года гістарычнай памяці» і 80-годдзя пачатку Вялікай Айчыннай вайны. У 2021 годзе цягнік таксама пабываў у Гродне. Трапіць на яго можна было толькі арганізаваным групам па запрашальных білетах з канкрэтным часам. Білеты распаўсюджвалі ў арганізацыях і навучальных установах.

Чытайце таксама: Орел, пингвин и даже рояль: выставка из 500 кг шоколадных экспонатов работает в «Triniti»

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025