Навіны

Распранаюць да трусоў і здымаюць выбачэнні. Як жыхароў Гродзенскай вобласці затрымліваюць за татуіроўкі

З пачатку года гродзенскія сілавікі ў праўладных Telegram-каналах адсправаздачыліся аб затрыманні васьмі чалавек з татуіроўкамі. Затрыманні трох жыхароў вобласці з нацысцкімі татуіроўкамі «прымеркавалі» да Дня Перамогі 9 траўня. Увагу сілавікоў прыцягнулі не толькі нацысцкія сімвалы, але і надпісы «Жыве Беларусь» і «Лука ідзі ты на***».

Сярод затрыманых з нацысцкімі татуіроўкамі - футбольныя фанаты, раней судзімыя, «прыхільнікі фашысцкай ідэалогіі». Як правіла, з затрыманымі здымаюць «пакаяннае» відэа. Пры здымках іх распранаюць да трусоў. Затрыманыя просяць прабачэння ў ветэранаў Вялікай Айчыннай вайны і абяцаюць звесці татуіроўкі.

Некаторых змяшчалі ў ізалятар і пазней судзілі за распаўсюд і захоўванне нацысцкай сімволікі (арт.19. 10 КаАП «Прапаганда або публічнае дэманстраванне, выраб, распаўсюджванне нацысцкай сімволікі або атрыбутыкі», пагражае адміністрацыйны арышт). Далейшы лёс затрыманых невядомы.

Затрыманні за ультраправыя татуіроўкі - не новая практыка. У лістападзе 2021 год затрымалі Дзмітрыя Бабіча з Ваўкавыска за экстрэмісцкія матэрыялы. Пры затрыманні яго распранулі і знялі на відэа яго «неанацысцкія» татуіроўкі. Яго скруцілі, паклалі на зямлю і ўдарылі ў бок. У яго на лбе з’явілася кроў.

Чым могуць абярнуцца нацыянальныя татуіроўкі

У студзені 2022 года ў Гродне затрымалі 36-гадовага Валерыя Вуса — за ўдзел у масавых пратэстаў. На адной назе ён набіў татуіроўку ў выглядзе слова «Жыве», на другой — «Беларусь». Сілавікі зрабілі фота і выклалі яго ў Telegram. Далейшы лёс хлопца невядомы.

Татуіроўкі з нацыянальнай сімволікай гродзенцы пачалі рабіць яшчэ да масавых пратэстаў-2020. У лютым 2021 года Генеральная пракуратура заяўляла аб падрыхтоўцы да прызнання бел-чырвона-белага сцяга экстрэмісцкім. Гродзенцы з БЧБ з трывогай чакалі яго і законапраекта «Аб змяненні законаў па процідзеянні экстрэмізму». Па законе хаваць тату не трэба, распавёў тады юрыст. Але тату могуць палічыць «дадаткам» да пікета.

На татуіроўкі з нацыянальнай сімволікай з пачаткам вайны пачалі звяртаць увагу і ва Украіне. Украінцаў правяраюць у «фільтрацыйных лагерах» пры выездзе з краіны на тэрыторыі, кантраляваныя Расіяй. «І калі, не дай бог, у чалавека ёсць нешта ў выглядзе трызубца або нашага герба, чалавек знікае, і яго ўжо не могуць знайсці. Дзяцей забіраюць ад сваіх бацькоў, дзяцей з дзіцячых дамоў або інтэрнатаў таксама вязуць у невядомым напрамку», — распавяла «Настоящему времени» віцэ-прэм'ер-міністр Украіны Ірына Верашчук.

Крымінальная справа за татуіроўку

Можа дайсці да крымінальнага пераследу. Гродзенскага музыку і гітарыста гурта Deviation Паўла «Белку» Бялянава абвінавацілі паводле арт. 368 КК «Абраза прэзідэнта Рэспублікі Беларусь» за татуіроўку «Лука ідзі на***».

Крыніца Hrodna.life сцвярджае, што хлопца выклікалі ў якасці сведкі для допыту па іншай справе. Але ў выніку — затрымалі з АМАПам, прымусілі распрануцца і прад’явілі абвінавачванні. «Усе яго татуіроўкі былі схаваныя на момант затрымання, зрэшты, як і заўсёды ў публічных месцах», — дадала крыніца.

Павел Бялянаў. Фота праўладных Telegram-каналаў

Татуіроўка — нагода звярнуць увагу

Татуіроўкі са свастыкай зводзіць пакуль не прымушаюць, але дэманстраваць іх не варта. «Пакуль за дэманстрацыю і распаўсюджванне нацысцкай сімволікі існуе адзіны адміністрацыйны артыкул. Калі тату не дэманструюць, то цяпер не пакараюць. У адваротным выпадку будуць арыштоўваць кожны раз, калі свастыка будзе з’яўляцца на ўсеагульным аглядзе», — тлумачыла Hrodna.life юрыстка.

Асаблівую ўвагу сілавікоў прыцягваюць татуіроўкі ў выглядзе надпісу «A*AB» і свастыкі або нацысцкіх сімвалаў, распавёў Hrodna. life юрыст «Вясны» Павал Сапелка. Пасля гэтага на чалавека могуць звярнуць увагу, а яго носьбіты і тэхніку — падвергнуць больш глыбокага агляду. Па іх выніках знаходзяцца «больш прыземленыя» спосабы прыцягнуць да адказнасці.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025