Фото: belarus.by
Зубры, з якіх у канцы красавіка зрабілі каўбасу «Белавежскі трафей», жылі зусім не ў Белавежскай пушчы. Шэсць зуброў на мяса прадаставіў сельскагаспадарчы вытворчы кааператыў (СВК) «Азёры» Гродзенскага раёна. Гэта была спроба пазбавіцца «лішніх» жывёл і паглядзець, ці гатовыя беларусы купляць прадукцыю з мяса зубра. На думку старшыні СВК «Азёры» Аляксандра Шышко, прадукцыя беларусам спадабалася. Пра гэта піша расійскае інфармацыйнае агенцтва Sputnik.
Азёрская папуляцыя зуброў - адна з самых буйных і хутка растучых у Беларусі. Яна налічвае 480 дзікіх быкоў.
«Пачыналася яна з 18 асобінаў зубра ў сярэдзіне 90-х гадоў. Планавалася давесці іх да 80. Менавіта столькі зуброў можа жыць у ландшафтным прыродным заказніку „Азёры“ без шкоды для прыроды», — патлумачыў Аляксандр Шышко.
Вялікая папуляцыя зуброў стала прычынай праблем. Жывёлы топчуць і з’ядаюць пасевы, робяцца прычынай аварый на дарогах, абядняюць фаўну прыроднага заказніка і пачынаюць выцясняць іншыя віды.
«Мы зараз у безвыхадных стане. Папуляцыя хутка расце, пытанне з перасяленнем зубра ў межах Беларусі вельмі складанае. Іншыя гаспадаркі не хочуць разводзіць дадзены від. Ёсць пэўная цікаўнасць у Расіі, чым сёння нашая гаспадарка займаецца. Там зараз актыўна вырашаюць пытанне аднаўлення папуляцыі. Паляванне на зубра не карыстаецца вялікай папулярнасцю з-за высокай цаны. А рэгуляваць колькасць папуляцыі патрэбна», — сказаў Аляксандр Шышко.
Па словах Шышко, мэты зарабіць на зубрах не было. Гэта была спроба знайсці вырашэнне праблемы рэгуляцыі колькасці. Бо вялікі статак зуброў - празмерная нагрузка на заказнік «Азёры».
Чытайце таксама: Зуброў плануюць рассяліць на Слонімшчыне і Мастоўшчыне
Зубр унесены ў Чырвоную кнігу. Але паляваць на яго можна для рэгуляцыі колькасці жывёл. Палююць на зуброў, якія належаць да рэзервовага генафонда.
Рэзервовы генафонд — жывёлы з прыкметамі крайняй ступені знясілення, хворыя, траўмаваныя, якія маюць несумяшчальныя з жыццём калецтвы, з прыроджанымі адхіленнямі ў фізічным развіцці, агрэсіўныя жывёлы, самцы старэйшыя за 14 гадоў і самкі старэйшыя за 15 гадоў. У рэзервовы генафонд кожую жывёлу пераводзяць на падставе спецыяльна пацверджаных актаў і працэдур.
Цана дазвола на здабычу зубра з рэзервовага генафонда для грамадзян Беларусі і грамадзянаў краінаў членаў Еўразійскага эканамічнага саюза — ад 800 да 7 тыс. рублёў.
Цана на здабычу зуброў для грамадзян іншых краін — ад 7 да 22 тыс. рублёў.
Забег адбудзецца 15 чэрвеня. Агульная колькасць слотаў для жадаючых прыняць удзел – 1000. За першыя…
Гродзенскі краязнаўца і блогер Яўген Аснарэўскі звярнуў увагу на псеўдагістарычны артыкул у расійскім выданні “Аўрора”…
Такую статыстыку апублікаваў Бераставіцкі райвыканкам. Згодна з падлікам чыноўнікаў, працу ў раёне шукае толькі адзін…
Турагенцтва «Нямнова тур» абвясціла адкрыццё сезону восеньска-зімовых сплаваў на байдарках па Нёмане. Гродзенцам абяцаюць, што…
Беларуска гатуе незвычайны сыр, знаёмый многім па кірмашах і рамесных крамах у Літве. Там яго…
У Беларусі актыўна рассылаюць апавяшчэнне пра выбары і рэферэндум ад імя нібыта «Цэнтральнай Выбарчай Камісіі…