Навіны

У Гродне пачалі судзіць Мікалая Аўтуховіча і яго «паплечнікаў». Ім можа пагражаць растрэл (абноўлена)

Першае судовае пасяджэнне па справе Мікалая Аўтуховіча пачалося 18 траўня ў залі суда Турмы № 1. Прадпрымальніка з Ваўкавыска абвінавачваюць адразу па дзесяці артыкулах Крымінальнага кодэкса. Агулам судзяць групу з 12 чалавек. Двое з іх нібыта «асабліва небяспечныя». У час суда яны будуць знаходзіцца ў асобных клетках «стаканах». Пра гэта паведаміў Telegram-канал ATN_NEWS.

Мікалай Аўтуховіч.

UPD. У справе Аўтуховіча аб’явілі перапынак. Некалькі пацярпелых па сямейных і службовых прычынах не змаглі з’явіцца на пасяджэнне суда. Яны падалі пазоў аб разглядзе справы без іх прысутнасці.

Мікалай Аўтуховіч заявіў адвод да складу суда. Пасля выдалення для нарады яго адхілілі"ў сувязі з неабгрунтаванасцю". Аб адводзе складу суда заявіў таксама абвінавачаны Уладзімір Гундар. Суд таксама прыняў рашэнне аб адхіленні адводу ў сувязі з яго неабгрунтаванасцю.

У залю суда пусцілі толькі двух сваякоў абвінавачаных, не гледячы на тое, што афіцыйна працэс пакуль адкрыты.

Калі затрымалі Аўтуховіча

Мікалая Аўтуховіча затрымалі ў снежні 2020 года. Яго абвінавацілі ў стварэнні «тэрарыстычнай групоўкі», якая нібыта дзейнічала на тэрыторыі Гродзенскай вобласці — падпальвала аўтамабілі і дамы супрацоўнікаў міліцыі. Яго будуць судзіць за:

  • стварэнне злачыннай арганізацыі і ўдзел у ёй па ч.ч. 1−3 арт. 285 КК,
  • замах на захоп дзяржаўнай улады неканстытуцыйным шляхам па ч. 1 арт. 14 і ч. 2 арт. 357 КК,
  • здрада дзяржаве па ч. 1 арт. 356 КК (інкрымінавана толькі Аўтуховічу),
  • распальванне іншай сацыяльнай варожасці або варожасці па ч. 3 арт. 130 КК,
  • заклікі да мераў абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь, па ч. 3 арт. 361 КК,
  • замах на ўцягванне ў тэрарыстычную дзейнасць па ч. 1 арт. 14 і ч. 1 арт. 290−2 КК,
  • акт тэрарызму і падрыхтоўка да яго паводле ч. 3 арт. 289, а таксама ч. 1 арт. 13 і ч. 3 арт. 289 КК,
  • незаконныя дзеянні ў дачыненні да агнястрэльнай зброі, боепрыпасаў, выбуховых рэчываў і выбуховых прылад, у тым ліку падрыхтоўка да такіх дзеянняў па ч. 3 і ч. 4 арт. 295, а таксама ч. 1 арт. 13 і ч. 4 арт. 295 КК,
  • незаконнае перамяшчэнне праз мытную мяжу ЕАЭС і дзяржаўную мяжу Рэспублікі Беларусь агнястрэльнай зброі, камплектаў боепрыпасаў да яе, выбуховых рэчываў, выбуховых прылад па ч. 3 арт. 333−1 КК,
  • незаконныя дзеянні ў дачыненні да прадметаў, якое дзеянне якіх заснавана на выкарыстанні гаручых рэчываў, па ч. 1 арт. 295−3 КК;
  • арганізацыю і падрыхтоўку дзеянняў, якія груба парушаюць грамадскі парадак, па ч. 1 арт. 342,
  • укрывальніцтва цяжкага злачынства па ч. 1 арт. 405 КК.

Суддзя — Максім Філатаў. Яго ў пачатку 2022 года прызначылі суддзёй Гродзенскага абласнога суда на пяць гадоў. Раней ён працаваў намеснікам старшыні суда Лідскага раёна. Асудзіў памерлага ў калоніі Вітольда Ашурка, трапіў у чацвёрты пакет санкцый Еўрасаюза.

Хто яшчэ праходзіць па «справе Аўтуховіча»?

Разам з Мікалаем па справе праходзіць яшчэ 11 чалавек. Сярод іх 52 — гадовы праваслаўны святар з Жабінкаўскага раёна Сяргей Разановіч, яго жонка Любоў і сын Павел. Па справе праходзіць 59-гадовая пенсіянерка Галіна Дзербыш з аграгарадка Абухава. Для 60-гадовага краязнаўцы з Баранавічаў Уладзіміра Гундара гэта другая крымінальная справа. Першы прысуд — тры гады калоніі - яму вынеслі за «гвалт у дачыненні да службовай асобы» 20 траўня 2021 года. Гундара таксама абвінавачвалі ў тэрарызме, але пазней гэтае абвінавачванне знялі.

В «групе» і 45-гадовая Ірына Гарачкіна з Ваўкавыска, 54-гадовая актывістка Вольга Маёрова з Мінска (ёй пагражае шэсць крымінальных артыкулаў), 32-гадовы Віктар Снегур з Лельчыцкага раёна, 46-гадовы Павел Сава з Мінска, 65-гадовая Ірына Мельхер і яе 27-гадовы сын Антон з Брэста і 51-гадовы Артур Папок са Смаргонскага раёна (абвешчаны ў вышук).

Лукашэнка падпісаў папраўкі ў закон аб тэрарызме

Аляксандр Лукашэнка падпісаў праект закона, які уносіць змены ў Крымінальны кодэкс. Такім чынам, пашыраецца арт.59 «Смяротнае пакаранне». Зараз за замах на здзяйсненне актаў тэрарызма можа пагражаць растрэл.

Аўтуховіч — двойчы былы палітвязень

Мікалай Аўтуховіч — ветэран афганскай кампаніі, прадпрымальнік, грамадскі дзеяч з Ваўкавыска. У 2004 годзе ён удзельнічаў у выбарах у парламент, але прайграў. У 2006 годзе яго асудзілі на тры з паловай гады пазбаўлення волі з канфіскацыяй маёмасці. Суд прызнаў Мікалая вінаватым ва ўхіленні ад выплаты падаткаў з нанясеннем шкоды бюджэту ў асабліва буйным памеры, а таксама ў ажыццяўленні прадпрымальніцкай дзейнасці без рэгістрацыі і атрымання ліцэнзіі. Яго справу прызналі палітычна матываванай.

Аўтуховіч быў адным з шасці палітвязняў, якіх вызвалілі датэрмінова ў 2008 годзе ў выніку санкцый ЗША і ЕЗ. У 2009 годзе яго зноў затрымалі і ў 2010 асудзілі нібыта за захоўванне зброі. Праваабаронцы другі раз прызналі Мікалая палітвязням. Яго вызвалілі 8 красавіка 2014 года. Тэрмін зняволення ён адбыў цалкам, паведамляе palitviazni info. У 2018 годзе Мікалай Аўтуховіч часова з’ехаў за мяжу.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025