Чытач Hrodna. life сутыкнуўся з тым, што ў адной з сетак крам яму пастаянна клалі пакупкі ў пластыкавыя пакеты, хоць ён прасіў гэтага не рабіць. Ён звярнуўся па тлумачэнне сітуацыі ў кантакт-цэнтр. Адказам чытач падзяліўся з Hrodna.life.

Чытач Hrodna.life імкнецца паменшыць свой экалагічны след і па магчымасці не забруджваць планету. Таму ён адмаўляецца ад пластыкавых пакетаў у крамах — яблыкі і бананы цалкам можна данесці дадому і без іх, лічыць ён. Але ў крамах часам не хочуць ісці насустрач і кладуць пакупкі ў маленькія пакеты, нягледзячы на тое, што чытач просіць гэтага не рабіць. У канцы красавіка пасля чарговага такога выпадку ён абурыўся і адправіў запыт у кантакт-цэнтр сеткі магазінаў.

Садавіну і гародніну трэба пакаваць

Забеспячэнне пакупнікоў бясплатным пакаваннем рэгулюецца Правіламі продажу асобных відаў тавараў і ажыццяўлення грамадскага харчавання, зацверджаных пастановай Савета Міністраў РБ ад 22.07.2014 г. № 703, адказалі ў сетцы магазінаў.

Паводле дадзеных правілах, супрацоўнікі крамы заўсёды павінны пакаваць у фасовачны пакет: тавары без спажывецкай тары, адзінкавыя дробныя тавары, якія лёгка пашкодзіць, тавары, якія патрабуюць дадатковай ўпакоўкі (напрыклад, гародніна, садавіна і г. д). Са згоды пакупніка можна не пакаваць гародніну і садавіну з шчыльнай скуркай да трох штук.

Такім чынам, супрацоўнік дзейнічаў згодна з правіламі абслугоўвання пакупнікоў, заключылі ў краме. Тым не менш, з ім правялі дадатковую гутарку аб выкананні сваіх абавязкаў ветліва і карэктна.

У грамадскім харчаванні пластык прыбралі

З 1 студзеня 2021 года ў Беларусі ў вулічнай кавярні вам не пададуць ежу на аднаразовай талерцы з пластыка, а сушы на вячэру даставяць у папяровай скрынцы. У траўні 2021 года мы пісалі, што па ініцыятыве МАРГ пластык у грамадскае харчаванне можа вярнуцца. Прычына — у краіне мала вытворцаў матэрыялаў прыроднага паходжання.

Чытайце таксама: