odintsovo.info
Справу былога дырэктара камбіната школьнага харчавання (КШХ) Ленінскага раёна ў Гродне Сяргея Дзямбіцкага перадалі ў суд. Яго абвінавачваюць у крадзежы маёмасці амаль на 5 тыс. рублёў і атрымання хабару на 1,5 тыс. рублёў. Пра гэта паведаміла Генеральная пракуратура Беларусі.
Дзямбіцкі скраў з маёмасці КШХ два тэлефоны маркі Apple і кандыцыянер. Суму скрадзенага следчыя ацанілі ў 4,9 тыс. рублёў. Тэлефоны ён аддаў членам сваёй сям'і, а кандыцыянер усталяваў на лецішчы ў маці.
Акрамя гэтага, са жніўня 2021 года ён атрымліваў хабар за арганізацыю і забеспячэнне закупак калбасаў і мяса ў індывідуальнага прадпрымальніка. За ўвесь час былы дырэктар атрымаў не менш за 1,5 тыс. рублёў хабару.
Дырэктара камбіната школьнага харчавання затрымалі ў снежні 2021 года. На яго завялі крымінальную справу па частках 1 і 2 арт. 210 КК (Крадзеж шляхам злоўжывання службовымі абавязкамі), а таксама ч.1 арт.430 КК (Атрыманне хабару). Пракурор накіраваў справу ў суд.
Скрадзеную маёмасць у Дзямбіцкага вынялі. Былы дырэктар сплаціў шкоду, а прыбытак ад хабараў цалкам выплаціў.
У жніўні 2018 года на базе КШХ Дзямбіцкі стварыў камісію па супрацьдзеянні карупцыі. У склаж камісіі ўвайшлі супрацоўнікі КШХ, у тым ліку куруючыя фінансава-гаспадарчую і вытворчую дзейнасць, бухгалтарскі ўлік, распараджэнне бюджэтнымі сродкамі, захаванасць уласнасці і эфектыўнае выкарыстанне маёмасці.
Адна з задач камісіі - каардынацыя і супрацьдзеянне карупцыі, а таксама ўзаемадзеянне з органамі, якія здзяйсняюць барацьбу с карупцыяй.
Пасаду дырэктара Дзямбіцкі займаў з 2018 года. Ён заняў яе пасля таго, як у чэрвені 2018 года на працоўным месцы затрымалі яго папярэдніцу. Следчыя выявілі 75 эпізодаў атрымання хабару і 19 эпізодаў крадзяжоў на суму больш 11 тыс. рублёў.
Жанчына брала хабар, каб не праводзіць ўнепланавыя праверкі ў школах Гродна. Яе асудзілі ў лютым 2019 года на 5,5 гадоў пазбаўлення волі ў калоніі агульнага рэжыму.
У найбліжэйшыя месяцы ў Поразаве плануюць адкрыць Дом банкухі. Тут можна будзе паўдзельнічаць у майстар-класе…
Міліцыя Гродна адпраўляе адбыўшых пакаранне на працы ў Гродзенскую агароднінную фабрыку. Зараз на ўліку ў…
На Дзевятоўцы прадаюць трохпакаёвую кватэру на апошнім паверсе 16-павярховага дома. Акрамя шыкоўнага выгляду на палі…
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…