30 красавіка стаў апошнім працоўным днём «Свободной студии» на старым месцы па адрасе Маставая, 31 у Гродне. Працу заснавальніцы завяршылі вечарынкай у гонар закрыцця. Цяпер яны распрадаюць мэблю і думаюць, як арганізаваць працу далей.
У красавіку заснавальніцы ўжо не прадавалі абанементы — толькі разавыя заняткі.
«Тут правядуць шэраг рамонтных работ, якія закрануць наша памяшканне. Гэта звязана з прывядзеннем бягучых памяшканняў да пэўных нормаў, якія адпавядаюць бізнес-цэнтру. Гэтыя змены зрэжуць нашу залу да немагчымасці ў ёй працаваць. Памяшканне застанецца занадта маленькім. Гэта прымушае нас спыніць працу тут», — расказалі ў Instagram заснавальніцы «Свободной студии» Дар’я і Алеся.
Дар’я і Алеся хочуць працаваць далей. «Пакуль мы не ведаем, у якім фармаце, але мы працягваем пра гэта думаць і размаўляць», — распавяла Дар’я.
Зараз студыя распрадае мэблю і дэталі інтэр'еру.
«Свободная студия» — гэта творчы праект, які ўключае ў сябе танцы, фітнес, фатаграфію, тэатр і іншае. Стваральніцы вялі заняткі па стрэйчынгу, пілатэсу, стрып-пластыцы, кантэмпарары, бразільскай самбе. Таксама яны праводзілі заняткі па кантэмпарары для дзяцей. Існавала з 2017 года.
На «Гродна Азот» і прадпрыемствах, у якіх ён выступае заснавальнікам, супрацоўнікам забароняць карыстацца смартфонамі і…
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…