Будынак на вуліцы Савецкай, 10 выставяць на аўкцыён. Яго хочуць аддаць пад малы і сярэдні бізнес. Чыноўнікі абяцаюць хутка падрыхтаваць неабходную дакументацыю, паведаміў тэлеканал «Гродна Плюс».
Раней у гэтым будынку размяшчалася Адміністрацыя Ленінскага раёна. 11 красавіка яна пераехала на Лермантава, 2 у былы будынак Камітэта па селькай гаспадарцы і харчаванні. На новым месцы адміністрацыя заняла тры паверхі.
У перыяд з 2017 па 2022 год у мясцовыя ўлады здалі ў арэнду больш за 150 памяшканняў гарадской камунальнай уласнасці. З аўкцыёна прадалі каля 30 аб’ектаў нерухомасці і зямельных участкаў. Там арганізуюць аб’екты грамадскага харчавання, сферы паслуг і адміністратыўныя грамадскія комплексы.
Пераезд адміністрацыі і перадачу будынка на Савецкай анансавалі яшчэ ў 2019 годзе. Ужо тады старшыня гарвыканкама Мечыслаў Гой абяцаў аддаць вызваленыя памяшканні ў арэнду бізнесу. Паводле планаў, пераезд павінен быў адбыцца яшчэ ў 2020 годзе. Раней Гой таксама казаў, што з Савецкай трэба прыбраць не толькі адміністрацыю, але і жыллё.
Будынак на Савецкой, 10 пабудавалі ў 1795 годзе. У пачатку XX стагоддзя там была кніжная крама, потым — натарыяльная кантора, аптэка, кватэры з крамамі і пякарня. Пасля Другой сусветнай вайны другі паверх займалі партыйныя кабінеты, а на першым была кандытарская. У 1970 годзе дах будынка пад вагой снегу абрынуўся, спатрэбіўся капітальны рамонт. Пазней там працавала крама «Тканіны», а ў пачатку 90-х гадоў - рэдакцыя газеты «Пагоня».
Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…
Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…
Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…
У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…
Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…
У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…