Дзень Перамогі ў Гродне 9 траўня 2020 года. Фота: Hrodna.life
Да Дня Перамогі ля Кургана Славы ўсталююць сцэнічны комплекс. Тысячы сцягоў з’явіцца ў горадзе. Упрыгожаць нават Усходні мост. У тыя ж даты запланаваная мыйка помнікаў - у тым ліку танка на Савецкай плошчы. Усяго на свята выдаткуюць не менш за 99 200 рублёў. Рэдакцыя Hrodna.life прааналізавала адпаведныя лоты на сайце дзяржзакупак.
Да 9 траўня шукаюць выканаўцу паслуг па абслугоўванні мабільнага сцэнічнага комплексу, светлавога і гукавога абсталявання і LED экрана на пляцоўцы ля Кургана Славы. Увесь комплекс паслуг каштуе 19 200 рублёў з гарадскога бюджэту. На выпадак дажджу сцэну накрыюць воданепранікальным тэнтам.
Гродна ўпрыгожаць да травеньскіх святаў сцягамі. Гродзенская гарадская жыллёва-камунальная гаспадарка праводзіць запыт цэнавых прапаноў да 19 красавіка. Кошт — 63 000 рублёў з бюджэту. Сцягі размесцяць у горадзе з 1 па 31 траўня.
Па два «вожыкі» з’явіцца ў парку Жылібера, на Савецкай плошчы і плошчы Леніна, на вул. Гарнавых і на Кургане Славы. 1680 сцягоў на 10 металаканструкцыях, 1738 — на сцягаутрымальніках, 918 — на металаканструкцыі «арка», 140 — на металаканструкцыі «зорка» і 58 — на флагштоках з’явіцца ў горадзе. На пл. Савецкай, пл. Леніна і Кургане Славы паставяць агароджу. Упрыгожаць таксама Усходні мост.
Таксама ў Гродне адмыюць воінскія пахаванні і месцы баявой славы. На воінскіх могілках на вул.Белуша памыюць помнікі і тратуарную плітку. На Кургане Славы адмыюць ад высолаў сцяны памяці. Помнікі памыюць у парку Жылібера. На Савецкай плошчы памыюць танк. Закуп з адной крыніцы правяла Гродзенская гарадская жыллёва-камунальная гаспадарка. Кошт — 2000 рублёў. Памыюць помнікі з 18 красавіка да 17 траўня.
9 траўня плануюць святочны феерверк. Феерверк будзе працягласцю шэсць хвілін і на 1050 залпаў. Яго запусцяць з Кургана Славы. Запыт цэнавых прапаноў да 21 красавіка праводзіць Гродзенскі гарадскі цэнтр культуры. На салют выдаткуюць 15 000 рублёў з бюджэту.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…