Фота: gpk.gov.by, носіць ілюстрацыйны характар
Беларусь разглядае магчымасць увесці бязвізавы ўезд для грамадзян сумежных краін Еўрасаюза. Такім чынам улады хочуць узмацняць дабрасуседскія адносіны і развіваць уязны турызм, паведаміў Дзяржаўны памежны камітэт.
Гэта тычыцца сумежных Польшчы, Літвы і Латвіі. Для грамадзян гэтых краін для ўезда на тэрыторыю Беларусі зараз патрэбна віза (за выключэннем бязвізавай зоны «Брэст — Гродна»). Акрамя пытання адмены візаў Дзяржапагранкамітэт хоча разгледзець магчымы дазвол замежнікам наведваць памежную зону без пропуску.
Урад Беларусі 8 красавіка зацвердзіў спіс краін, якія ажыцяўляюць недружалюбныя дзеянні супраць Беларусі. У спіс патрапіла большасць краін Еўропы, у тым ліку Польшча, Літва і Латвія.
Абмежаванні на перасячэнне беларускай мяжы знялі 3 красавіка 2022. Іх увялі 21 снежня 2020 года. За рэдкімі выключэннямі выезд з краіны быў абмежаваны. Афіцыйнай прычынай называлі прадухіленне распаўсюджвання ў Беларусі COVID-19.
Пасля адмены абмежаванняў замежнікі з сумежных краін Еўрасаюза пачалі часцей ездзіць у Беларусь. У перыяд з 3 па 10 красавіка іх стала больш на 30% у праўнанні з тыднем раней. Большасць з іх — грамадзяне Літвы і Латвіі.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…