Сетка крамаў настолак «Hobby Games» з 3 красавіка працуе ў Гродне. Іх крама адкрылася ў сутарэнні ГЦ «Палац» на Калючынскай, 21. У першы дзень працы з 14:00 да 19:00 у краме праходзіць бясплатная гульнятэка, піша Telegram-канал «Туси в Гродно».
Новая кропка будзе не проста крамай, але і гульнявым прасторай. У планах — праводзіць тут гульнятэкі рэгулярна. А ў некаторыя гульні можна будзе прыйсці і пагуляць бясплатна.
«Мы адкрываем краму-клуб „Hobby Games“ з асобнай велізарнай гульнявой зонай. У ёй будзе стаяць вялікая шафа з адкрытымі гульнямі, у якія кожны дзень можна прыйсці і пагуляць бясплатна», — распавяла каналу «Туси в Гродно» маркетолаг Наталля Дзякава.
Паводле яе слоў, кансультанты ў краме — сапраўдныя спецыялісты ў настолках, якія ведаюць і любяць сваю справу. «Яны дапамогуць кожнаму падабраць гульню пад пэўны запыт, у падарунак, або адкрыюць для пачаткоўцаў свет настольных гульняў», — кажа Наталля.
Ці не страшна кампаніі адкрываць новую краму ў сённяшніх умовах? Многія зараз закрываюць бізнесы або зніжаюць выдаткі. Наталля кажа, што ўсё наадварот. «Настольныя гульні дораць жывыя сапраўдныя эмоцыі, аб’ядноўваюць людзей і прымушаюць часцей збірацца з сям’ёй і сябрамі. У такі час гэта адно з самых каштоўных баўленняў часу». Тым больш, па яе словах, у Мінску ўжо адкрылася шмат спецыялізаваных крам настольных гульняў і клубаў, а ў абласцях пакуль гэтага мала. «Мы спадзяемся развіваць гэтую індустрыю і далучыць да гэтага крутога хобі як мага больш людзей».
У «Hobby Games» прадаюцца настольныя гульні не толькі выдавецтва «Hobby World», але і дзясяткаў іншых. Акрамя настолак там можна купіць тэматычныя часопісы (напрыклад, «Свет фантастыкі»), сувеніры і галаваломкі.
Да гэтага ў Гродне 8,5 гадоў працавала іншая папулярная крама настольных гульняў «Кубік». Апошні яе адрас — Кірава, 3 — літаральна ў двух кроках ад новай крамы «Hobby Games». У канцы лютага 2022 ўладальнікі «Кубіка» вырашылі закрыцца, чтобы засяродзіцца на распрацоўцы ўласных гульняў.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
