Румлёўскі мост не адкрыюць яшчэ мінімум тры месяцы. Колькі будуць каштаваць працы і калі іх адновяць

Рух па Румлёўскім мосце не адновіцца яшчэ мінімум тры месяцы. Зараз актыўны рамонт на мосце прыпынены. На афармленне тэхнічнага рашэння для далейшых працаў сыдзе тыдзень-паўтара, лічыць старшыня гарвыканкама Мечыслаў Гой. У дакументацыі разлічаць, якія матэрыялы і канструкцыі патрэбныя для ўзмацнення моста, піша Telegram-канал Urban Hrodna.

Як толькі праектнае рашэнне будзе выканана і пройдзе дзяржаўную экспертызу, працы на мосце будуць ісці ў тры змены. Сродкі, магчымасці і матэрыял на гэта ёсць, раcказаў Мечыслаў Гой.

Пасля таго, як прыбралі бетон, змаглі дабрацца да апорных канструкцый моста і агледзець стан іх пучкоў, на якія ідзе асноўная нагрузка на мост. Патрэбныя даследаванні правялі на мінулым тыдні.

Пра сітуацыю на мосце і тое, як прасоўваюцца працы, будуць інфармаваць штотыдзень.

Колькі каштуюць працы і калі іх будуць выконваць

На выпрабаванні на Румлёўскім мосце, якія спачатку планавалі завяршыць да 16 лютага, выдаткавалі 33,1 тысячу рублёў.

Тэхнічнае абследаванне моста з разлікам грузападымнасці, заключэннем пра тэхнічны стан і рэкамендацыямі па ліквідацыі дэфектаў і відах працаў будзе каштаваць 53 тысячы рублёў. Тэрмін выканання паводле дакументаў - з 14 сакавіка па 13 красавіка.

У планах працаў былі дэмантаж нізавой і верхавой часткі і падрыхтоўка існуючых асноў пад пакрыцці. Усяго ў дакументах на сайце дзяржзакупак прапісаныя 18 відаў работ. У асноўным яны ўключаюць разборку элементаў ходнікаў і розныя працы з імі. Кошт працаў - 245,2 тысячы рублёў. Названы тэрмін пастаўкі - з 21 сакавіка па 20 красавіка. Гарантыя на мост складзе два гады.

Таксама шукалі фірму для фрэзеравання (механічная апрацоўка рэзаннем — Hrodna.life) дарожнага палатна нізавой часткі моста. Каштуе гэта 33,9 тысячы рублёў. Па дакументах працы мусілі завяршыць да 11 сакавіка.

На рамонт сетак вонкавага асвятлення на Румлёўскім мосце выдаткуюць яшчэ 36 тысяч рублёў. На мосце заменяць трубы з кабелямі і 24 свяцільніка Тэрміны пастаўкі - з 1 сакавіка па 30 красавіка.

Чытайце таксама:

Падзяліцца

Апошнія запісы

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025