Мост на Рыбацкай. Скрыншот з відэа "Гродна Плюс"
Капітальны рамонт маста праз Гараднічанку па вул. Рыбацкай запланаваны на лета 2022 года. Пралёты моста дэмантуюць і створаць новыя. Раней мост праверылі на аварыйнасць і вырашылі закрыць.
Пачатак работ плануецца на чэрвень 2022 года. У планах — дэмантаж пралётаў маста і разборка конусаў, мантаж новай пралётнай пабудовы па дзве паласы руху. Пры рамонце максімальна захаваюць зялёныя насаджэнні.
На дадзены момант шукаюць фірму, якая падрыхтуе праект работ. Да 14 сакавіка Гродзенская гарадская жыллёва-камунальная гаспадарка праводзіць дзяржзакупку — запыт цэнавых прапаноў. На гэта плануюць выдаткаваць 60 000 рублёў з гарадскога бюджэту. Распрацаваць праект фірма павінна да 27 траўня.
Мост на вул. Рыбацкай пабудавалі ў 1985 годзе. Даўжыня маста — 12 метраў. Ён злучае часткі набярэжнай у цэнтры горада: вуліцу Праванаберажную пад замкам і Рыбацкую з Каложай і прыватным сектарам. Мост на Рыбацкай перабудоўваўся ў 1970-я гады, пісаў Віктар Саяпін. У студзені 2022 года мост праверылі на аварыйнасць і вырашылі закрыць. Жыхарам прыватнага сектара на вул. Рыбацкай даводзіцца ехаць дадому праз Пярэселку. Таксама цяпер рамантуюць Румлёўскі мост.
Чытайце таксама:
Міліцыя Гродна шукае пастаўшчыка абедаў у ізалятар часовага ўтрымання Кастрычніцкага РУУС. З 2011 года ежу…
Гродзенец Павел Юшкевіч, які жыве ў Торуні, атрымаў польскае грамадзянства па рашэнні Куяўска-Паморскага ваяводы. Раней…
Штогод у Гродзенскай вобласці выяўляюць больш за 6 тысяч анкалагічных захворванняў. Па стане на 2025…
Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…