У цэнтры Гродна на аўкцыён выставілі чатыры памяшканні. Два з іх на вуліцы Савецкай, адно на Ажэшкі і адно на Тэльмана. Інфармацыю пра гэта апублікаваў Гродзенскі цэнтр нерухомасці.
На аўкцыёне будуць прадаваць права арэнды памяшканняў. Тэрмін заключэння дамовы — тры гады. Арандатары павінны размясціць там офісы альбо аб’екты па аказанні паслуг.
У памяшканні былой начной аптэкі на вуліцы Ажэшка, 42 таксама плануюць размясціць офісы. Але ёсць дадатковыя ўмовы — мадэрнізацыя памяшкання. У ім трэба стварыць праход у пакой, дзе хочуць размясціць санітарны вузел. Плошча памяшкання — 68,9 кв.м. Стартавая цана права арэнды — 291,10 руб.
Пры гэтым начная аптэка працягвае дзейнасць у суседнім памяшканні.
На вуліцы Савецкай, 1 здаюць у арэнду два нежылыя памяшканні. Яны размешчаны на другім паверсе дома над крамай «Ратушны». Іх плошча — 96 кв.м. Памяшканні патрабуюць рамонту. Уваход у іх знаходзіцца ў двары. Стартавая цана права арэнды — 406,49 руб.
На Савецкай, 31 здаюць на трэцім паверсе офіс плошчай 37,6 кв.м. Стартавая цана права арэнды — 158,86 руб.
Гэты будынак увесь здаецца пад офісы, у тым ліку там размяшчаюцца: Беларускі Рэспубліканскі Саюз Моладзі, Беларускае Таварыства Глухіх, карэспандэнцкі пункт БелТА. Да ліквідацыі там здымала офіс ГА «ВелаГродна».
На вуліцы Тэльмана, 4 плануюць прадаць права арэнды меленькага офіса плошчай усяго 10,7 кв.м. Яно знаходзіцца на першым паверсе. Стартавая цана за права арэнды — 45,21 руб.
Аўкцыён адбудзеццы 15 сакавіка 2022 года, у 12:00 па адрасе: г. Гродна, пл.Леніна, д.2/1. Заяву на ўдзел у аўкцыёне можна падаць па адрасе: г. Гродна, пл.Леніна 2/1, кабінет № 117. У працоўныя дні з 8:00 па 13:00 і з 14:00 па 17:00. С 16 лютага 2022 года па 10 сакавіка 2022 года.
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…