Пракурора Гродна Уладзіміра Клішына ўзнагародзілі ордэнам Пашаны

Указ аб узнагароджанні галоўнага пракурора горада Уладзіміра Клішына 15 лютага падпісаў Аляксандр Лукашэнка. Таксама ордэнам «За службу Радзіме» III ступені ўзнагародзілі генеральнага пракурора Беларусі Андрэя Шведа.

Узнагароды яны атрымалі «за асаблівыя заслугі ва ўмацаванні дзяржаўнай бяспекі і барацьбу са злачыннасцю, плённую дзяржаўную і грамадскую дзейнасць», піша Telegram-канал «Право им**т».

Галоўны пракурор горада ўжо 9 гадоў

Уладзіміру Клішыну 52 гады, нарадзіўся ў Гродне. Скончыў юрыдычны факультэт Гродзенскага дзяржаўнага універсітэта імя Я. Купалы ў 1995 годзе па спецыяльнасці «правазнаўства».

На пасаду пракурора горада ўступіў у 2013 годзе пасля аб’яднання пракуратур Ленінскага і Кастрычніцкага раёнаў у чыне старэйшага дарадцы юстыцыі. Да таго ўзначальваў пракуратуру Кастрычніцкага раёна. Працу ў пракуратуры пачынаў як стажор памочніка пракурора Ленінскага раёна.

З 2014 года Клішын — сябра Гродзенскага гарадскога савета дэпутатаў ад Дамброўскай выбарчай акругі (№ 8).

Чым вядомы Уладзімір Клішын апошнім часам

Пасля выбараў 2020 года ў жніўні сустракаўся з працаўнікамі «Гродножилстроя», яікя пратэставалі, выступаў перад калектывам «Хімвалакно». Па заявах Уладзіміра Клишина былі прызнаныя экстрэмісцкімі шэраг гродзенскіх Telegram-каналаў, у тым ліку былы канал Hrodna.life.

У ліпені 2021 года пракурор выдаў афіцыйнае папярэджанне галоўнаму рэдактару Hrodna.life Аляксею Шоту пра адказнасці за парушэнне артыкула 23.5, 198−1 і 361 КаАП і артыкула 361−4 Крымінальнага кодэкса (парушэнне закона аб СМІ, заклікі да дзеянняў, скіраваных на прычыненне шкоды нацыянальнай бяспецы Беларусі і садзейнічанне экстрэмісцкай дзейнасці).

Таксама па пазове Уладзіміра Клішына суд прыняў рашэнне аб ліквідацыі «Цэнтра гарадскога жыцця» і ТАА «Гродно Лайф Медиа».

Выступаў у ролі дзяржабвінаваўцы на працэсах па справах прызнанага палітвязнем Канстанціна Паляка і Дзмітрыя Зімніцкага, абскарджанні прысуду Вадзіму Плаўскаму.

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025