Навіны

У Гродне на Урыцкага запрацаваў першы ў Беларусі бескантактавы гатэль — без персаналу і з электроннымі ключамі

Новы гатэль VS Design Hotel размясціўся ў цэнтры Гродна, на Урыцкага, 23. Ён працуе па прынцыпе бескантактавасці, без рецепшена. Раней на гэтым месцы быў гістарычны будынак, які знеслі.

Нумары гатэля з дызайнерскім інтэр'ерам займаюць другі і трэці паверх. Для памяшканняў першага паверха з асобным уваходам пакуль шукаюць арандатараў.

Двухузроўневыя нумары і бязлюднасць

Стойкі рэцэпцыі ў гатэлі няма. Рэгістрацыя пры заездзе і выездзе — самастойная. З персаналам можна звязвацца праз месенджары або па тэлефоне. Уладальнікі падкрэсліваюць, што гэта важна ва ўмовах пандэміі. Для Беларусі гэта новы вопыт, адзначаюць яны.

Забраніраваць нумар можна на сайце гатэля ці праз booking.com. Пасля аплаты на пошту прыходзіць код доступу ў будынак і ў нумар. Замкі ў гатэлі аўтаматычныя і кіруюцца з дапамогай кода або лічбавага ключа eKey на выбар. Код трэба ўводзіць праз наборныя панэлі на дзвярах. Для карыстання лічбавым ключом спатрэбіцца спампаваць мабільны дадатак.

У гатэлі - шэсць нумароў: чатыры аднаўзроўневыя двухмясцовыя і два двухпавярховыя на чатырох гасцей. Ёсць і магчымасць пасяліцца з дзіцем. У кожным нумары ёсць санвузел, кандыцыянер, міні-кухня з варачнай панэллю. Адзначана гукаізаляцыя нумароў.

Кошт на booking.com за суткі - ад 154 да 185 рублёў для аднаўзроўневых і ад 247 да 288 рублёў - для двухузроўневых нумароў. Рэйтынг гатэля — 9,6 з 10.

Перад будынкам устаноўлены зарадкі для электракараў Porshe destination charging. Імі могуць бясплатна карыстацца не толькі госці гатэля, але і ўладальнікі аўтамабіляў Porsche.

Выбралі «гістарычны» праект

Будынак для будучага гатэля пабудавалі з нуля на месцы гістарычнага.

Участак купілі ў 2017 годзе, у 2018 пачалі праектаванне, у траўні 2019 года — будаўніцтва. Увесну 2021 года ў гатэлі ўжо працавалі над унутраным аздабленнем.

Варыянтаў праекта было два. Міністэрства культуры ўхваліла той, што меркаваў аднаўленне гістарычнага выгляду страчанага будынка з захаваннем яго габарытаў. Над праектам працавала творчая майстэрня мінскага архітэктара Генадзя Штэйнмана.

Дом Гажанскіх

Раней на месцы гатэля стаяў дом сям'і Гажанскіх. Ён быў пабудаваны ў 1890 годзе, пасля вялікага пажару 1880 года. Тады сучасная вуліца Урыцкага называлася Палатскай. Адна са сцен хаты не вытрымала надбудаванага пасля вайны мансардного паверха і пачала адыходзіць. Будынак не выратавалі, яго знеслі ў 2007 годзе.

Участак у гістарычным цэнтры Гродна выставілі на аўкцыён толькі праз 10 гадоў. Яго купіла фірма «ГроднаЛізінг».

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025