Ілюстрацыйнае фота Hrodna.life
32-гадоваму гродзенцу Д. вынеслі прысуд у судзе Кастрычніцкага раёна — год калоніі агульнага рэжыму, паведаміла пракуратура. Верагодна, гаворка ідзе пра палітвязня Івана Дуброўскага, чые дадзеныя супадаюць з названымі ў рэлізе.
На думку дзяржабвінавачання, гродзенец у верасні 2020 года браў удзел у несанкцыянаваным масавым мерапрыемстве. Ён спыніў свой аўтамабіль Toyota Yaris у цэнтры Гродна на мосце праз Нёман, чым «перашкаджаў руху іншага транспарту».
Мужчыну асудзілі паводле ч. 1 арт. 342 КК «Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх». Аўтамабіль Toyota Yaris канфіскавалі ў даход дзяржавы як сродак здзяйснення злачынства. Прысуд суда не ўступіў у законную сілу.
Палітвязню Івану Дуброўскаму 32 гады. Яго затрымалі 1 кастрычніка 2021 года і змясцілі пад варту ў СІЗА турмы № 1 Гродна. 22 лістапада яго прызналі палітвязнем. Івана Дуброўскага пачалі судзіць у студзені ў судзе Кастрычніцкага раёна. Суддзя — Максім Галубовіч.
Раней абставіны справы Дуброўскага не агучваліся журналістамі ці праваабаронцамі. Удакладніць у жонкі, ці сапраўды Івана асудзілі, у Hrodna.life не атрымалася. Яна адмовілася паведаміць гэта, спаслаўшыся на тое, што не хоча публічнасці. У канцылярыі па крымінальных справах суда Кастрычніцкага раёна на пытанні Hrodna.life таксама не адказалі.
Сям'я з Ліды эканомна адпачыла ў Катары. Краіна дарагая, а Віталь і Таццяна - простыя…
Для пляжаў Гродна вырабяць 105 інфармацыйных знакаў. На іх будзе напісана, што забаронена купанне, вядзецца…
Чарговую пліту на гродзенскай Алеі кіно адкрылі 6 верасня напярэдадні Дня горада. Алея размяшчаецца на…
Недабудаваны сяміпавярховы будынак на праспекце Індустрыяльным, 12 у Смаргоні збіраюцца знесці. Рашэнне аб зносе прыняў…
Пракурор прапанаваў забараніць на "Гродна Азот" роднасныя сувязі ў супрацоўнікаў, якія знаходзяцца ў падпарадкаванні. Каб…
У Гродне 5 верасня прайшла прэм'ера прапагандысцкага фільма "Культурный код". У "Чырвоную зорку" прыйшлі вучні…