Таццяна Саўко. Фота: Карына Маліноўская ў Instagram
Гродзенку Саўко Таццяну судзілі 3 лютага ў судзе Ленінскага раёна па арт. 19.11 КаАП «Распаўсюд, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую дзейнасць». Суддзя Ганна Леусік вынесла рашэнне — штраф 25 базавых велічынь (800 рублёў) і канфіскацыя тэлефона (iPhone 12 Pro). Таццяна — мама палітэмігранткі Карыны Маліноўскай, якая, паводле яе слоў, у жніўні 2020 года пасля затрымання страціла дзіця.
Супраць Таццяны сведчыў Максім Кляцкін, прадстаўніком РАУС па справе быў Аляксандр Дайнэка. «Пратаколу аб арышце на 72 гадзіны няма, пратакол затрымання «пусты», — напісала Карына ў Instagram. У такім выпадку справу павінны былі адправіць на дапрацоўку або спыніць, лічыць яна. «Мама вельмі расперажывалася. Мама, не хвалюйся», — напісала Карына.
Паводле інфармацыі Hrodna.life, Таццяну судзілі за падпіску на канал «Гродно Азот чат». Пры гэтым яна не ставіла лайкі і каментары ў канале і не перасылала навіны адтуль у іншыя каналы. Гэта прызнаў сведка — супрацоўнік РАУС, які аглядаў тэлефон без Таццяны. «Пусты» пратакол затрымання (там ёсць толькі фраза Таццяны «часткова згодная» і подпіс супрацоўніка РАУС) да справы суддзя адмовілася далучаць. Яна спаслалася на тое, што ў суда ёсць іншы пратакол. На пытанне адваката, чаму Таццяне далі такі пратакол, супрацоўнік РАУС адказаў, што так раздрукаваў прынтар. І наогул ён не ведае, дзе Таццяна ўзяла яго.
Таццяну Саўко затрымалі за распаўсюд экстрэмісцкіх матэрыялаў 13 студзеня і адпусцілі праз 72 гадзіны без суда. У Таццяны ёсць непаўналетняе дзіця, таму па законе яе павінны былі адпусціць пасля трох гадзін арышту.
Арт. 19.11 КаАП на працягу апошніх некалькіх месяцаў стаў самым папулярным «палітычным» артыкулам, паводле якога беларусаў адпраўляюць за краты і караюць вялізнымі штрафамі, паведамляюць праваабаронцы «Вясны». Толькі ў рэгіёнах за студзень па гэтым артыкуле асудзілі мінімум 20 чалавек. Сярод затрыманых па гэтым артыкуле гродзенцаў - «азотаўцы» і журналісты.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…