Назіранне па тэлефоне, самаізаляцыя у залежнасці ад стану. Зацвердзілі новыя правілы для хворых на каранавірус

Міністэрства аховы здароўя ўнесла змены ў Загад ад 11 студзеня 2022 г. № 20 «Аб зацвярджэнні рэкамендацый (часовых) аб арганізацыі аказання меддапамогі пацыентам з інфекцыяй COVID-19 і алгарытмаў». Удакладнілі правілы тэставання на антыген, тэрміны назірання і самаізаляцыі ў залежнасці ад плыні хваробы. Новы дакумент зацвердзілі 25 студзеня за № 75.

Зараз у выпадку станоўчага выніку тэсту на антыген SARS-CoV-2 у пацыента, да якога прыбыла кантактная брыгада, даследаванне мазкоў з насаглоткі на антыген зробяць і ўсім з сімптомамі вострай рэспіраторнай інфекцыі і / або з падвышанай тэмпературай цела, хто з ім разам жыве.

Калі вынік на антыген SARS-CoV-2 адмоўны або калі няма магчымасці яго правесці, але ёсць клінічная карціна вострай рэспіраторнай інфекцыі ў пацыента або асоб, якія з ім пражываюць, возьмуць камбінаваны мазок з рота-насаглоткі для ПЦР.

Чытайце таксама: Уже началась? Как в Гродно встречают «омикронную» волну коронавируса

Назіраць дома пацыентаў з пацверджаным каранавірусам будуць з выкарыстаннем тэлефоннай сувязі да знікнення клінічных сімптомаў. Ім уручаць патрабаванні аб выкананні правілаў самаізаляцыі.

Тэрміны самаізаляцыі і назірання

Пацыентаў з каранавірусам будуць назіраць дома не больш за 21 дзень з даты з’яўлення клінічных сімптомаў інфекцыі COVID-19.

Хворых з бессімптомным ходам хваробы актыўна назіраць не будуць. Пры з’яўленні клінічнай сімптаматыкі яны павінны будуць самі патэлефанаваць у кол-цэнтр. Перыяд назірання (ізаляцыі) — да 7 дзён з даты ўзяцця біялагічнага матэрыялу.

Пацыентаў з лёгкай формай COVID-19 і без фактараў рызыкі цяжкай плыні будуць назіраць не радзей за 1 раз на 3 дні да клінічнага выздараўлення. Перыяд назірання (ізаляцыі) — да 10 дзён з даты з’яўлення клінічных сімптомаў COVID-19.

Пацыентаў з сярэднецяжкай формай захворвання, або з лёгкай формай і з фактарамі рызыкі будуць назіраюцца штодня да клінічнага выздараўлення. Пры неабходнасці перыяд назірання (ізаляцыі) — да 21 дня з даты з’яўлення клінічных сімптомаў каранавіруса.

У Гродне пакуль спраўляюцца

Узровень шпіталізацыі пацыентаў з каранавірусам у Гродзенскай вобласці знаходзіцца на плато, расказала начальніца Галоўнага ўпраўлення аховы здароўя Гродзенскага аблвыканкама Людміла Кеда для БелТА. Зараз іх колькасць складае каля 30% ад пікавых значэнняў апошняй хвалі. Хворых з каранавірусам прымаюць чатыры міжраённыя цэнтры і чатыры бальніцы ў Гродне. Патрэбаў перапрафілявання іншых клінік пакуль няма, адзначыла яна.

Зараз у вобласці ідзе сезонны ўздым вострых рэспіраторных інфекцый. У параўнанні з мінулым тыднем зарэгістравалі на 30% больш такіх захворванняў. Часцей за ўсё хварэюць дзеці.

Чытайце таксама: В Беларуси от коронавируса начали вакцинировать детей

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025