Ілюстрацыйнае фота. Фота: newbesedki.ru
Закрытую драўляную альтанку хацелі даставіць у Скідзель на пляцоўку фестывалю і «кірмаш працаўнікоў вёскі «Дажынкі-2021». Яго замаўляў Слонімскі лясгас. Дзяржзакупка павінна была адбыцца да 16 верасня, але потым яе адмянілі, паколькі яна «з'явілася па тэхнічнай памылцы».
У Скідзель збіраліся купіць альтанку памерам 8×4,5 м. Падлога планавалася з габляванай дошкі, сцены — з прафіляванага бруса. Усе драўляныя элементы павінны былі мець суцэльную апрацоўку дэкаратыўнымі ахоўна-аздобнымі складамі для цяжкіх умоў эксплуатацыі. Імі палічылі высокую вільготнасць, грыбок, цвіль і насякомых.
Заказчыкі падрыхтавалі эскіз, але да дзяржзакупкі яго не прыклалі. Кошт альтанкі - 40 000 BYN. Яе планавалі купіць за ўласныя сродкі. У кошт тавару ўваходзілі дастаўка, зборка і ўстаноўка.
Тэрмін службы альтанкі павінен быў складаць не менш за тры гады. Гарантыйны тэрмін — не менш за адзін год.
9 верасня з’явілася паведамленне аб тым, што арганізацыя адмяняе дзяржзакупку, паколькі яна «размешчана ў выніку тэхнічнай памылкі». Датэлефанавацца і ўдакладніць дэталі ў Hrodna.life не атрымалася — па пазначаным тэлефоне не знялі трубку.
Таксама да Дажынак закупілі прэзентацыйныя таблічкі з указаннем сямі прадпрыемстваў і валанцёраў. Каштавалі яны 450 рублёў.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…