Беларусам змянілі правілы выезду: на працу і вучобу зараз будуць выпускаць часцей

З 4 верасня выехаць з краіны на працу (па кантракце), на вучобу або з відам на жыхарства наземным спосабам можна будзе раз на 3 месяцы. Змены ўведзеныя пастановай Савета міністраў № 504 ад 1 верасня 2021.

Раз на тры месяцы (але не часцей) змогуць выехаць з Беларусі праз наземныя межы:

• асобы, якія выязджаюць з Беларусі на працу на тэрыторыі замежнай дзяржавы, — пры прад’яўленні працоўнага дагавора (кантракта) з замежным працадаўцам або яго копіі, дазволу на працу, выдадзенага ўпаўнаважанай арганізацыяй прымаючага боку;
• асобы, якія выязджаюць з Беларусі для атрымання адукацыі ў замежных адукацыйных арганізацыях, — пры прад’яўленні дакументаў (або іх копій), якія пацвярджаюць атрыманне імі адукацыі ў замежнай адукацыйнай арганізацыі, або дакументаў (альбо копій) установы адукацыі Рэспублікі Беларусь аб накіраванні на навучанне за мяжу;
• грамадзяне Беларусі, якія маюць від на жыхарства, пашпарт грамадзяніна Рэспублікі Беларусь для пастаяннага пражывання за межамі Беларусь ці іншы дакумент, які пацвярджае права на пастаяннае або часовае пражыванне ў замежнай дзяржаве — - для выезду да месца пастаяннага або часовага пражывання;
• замежнікі, якія маюць дазвол на пастаяннае або часовае пражыванне на тэрыторыі Беларусі - - для выезду ў краіну свайго грамадзянства.

Раней выезд па пералічаных мэтам наземным спосабам быў магчымы толькі раз на паўгода па кожнай з мэтаў.

Дзяржпамежкамітэт рэкамендуе усе дакументы для пацверджання перакладаць на беларускую або рускую мову і завяраць сапраўднасць перакладу ў натарыуса.

Неабмежаваную колькасць разоў можна выязджаць з краіны дыпламатам і іх сем’ям, афіцыйным дэлегацыям, кіроўцам-міжнароднікам і некаторым іншым катэгорыям людзей. Таксама без абмежаванняў можна выехаць па службовай камандзіроўцы, на лячэнне, на спартыўныя мерапрыемствы з дакументам ад Мінспорту, у сувязі з цяжкай хваробай або смерцю блізкага сваяка за мяжой, у Калінінградскую вобласць без перасадак. Забароны не датычацца авіяпералётаў.

Чытайце таксама:

• Успеть за 10 дней: почему эти гродненцы уехали из Беларуси до закрытия границ
• «Мы пропадем без беларусов, а они без нас». Как работает Кавалерийский рынок в Белостоке при закрытой границе

Выезд з Беларусі абмежавалі з 21 снежня 2020 года. Афіцыйная прычына — каранавірус: абмежаванні ўвялі пастановай № 624 ад 30.10.2020 «Аб мерах па прадухіленні распаўсюджвання інфекцыйнага захворвання». Гэта прыносіла шмат складанасцяў тым, хто працуе ці вучыцца за мяжой. Сітуацыя пагоршылася пасля забароны на многія пералёты вясной 2021 года.

Чытайце таксама: Белорусские самолеты не полетят через Евросоюз и в Украину. Как это повлияет на летние планы гродненцев?