«З-за неабыякавасці гродзенцаў» крама «Ратушный» адкрылася зноў

Гродзенская крама «Ратушный» на вуліцы Савецкай, 1, якую закрылі ў канцы чэрвеня, 26 жніўня зноў адкрылася. Тэрыторыя крамы паменшылася, а ў памяшканні кафетэрыя адкрыецца аптэка, піша «Вечерний Гродно».

Пачаткова планавалася, што «Ратушный» пераедзе ў памяшканне былой крамы «Связной» каля крамы «Баторыя». Але па словах дырэктара «ГроднаГандальСэрвіс» (уласніка крамы) Уладзіміра Сычэўскага змяніць планы прыйшлося з-за «неабыякавасці гродзенцаў, якія пастаянна прыходзілі ў краму за пакупкамі».

Крама «Ратушный».

У «новай» краме паменшылася плошча. Раней «Ратушный» займаў 300 кв.м, зараз 130 кв.м. На астатняй тэрыторыі размясцілі гандлёвую кропку абутку ад гродзенскай фабрыкі «Нёман». У памяшканні былога кафетэрыя адкрыюць аптэку.

«Ратушный» будзе працаваць штодзённа з 9:00 па 19:00 (у выхадныя да 18:00).

Што было раней у гэтым будынку?

Крама «Ратушный» знаходзіцца па адрасе вул. Савецкая, 1. Пры каралі Стэфане Баторыі на гэтым месцы знаходзілася карчма. У XVIII стагоддзі - палац Сангушак, які пазней перайшоў да Антонія Тызенгаўза. У сутарэннях будынка знаходзіліся гродзенскія вінныя паграбы, а зараз — прыватная пякарня.

На пачатку ХХ стагоддзя ў будынку былі жылыя кватэры, крамы абутку, бакалеі і каланіальных тавараў, аптэка Клінкаўштэйна, банкаўская кантора, а таксама фотамайстэрня Лейбы Гельгора.

У міжваенны перыяд тут знаходзілася прадстаўніцтва фірмы «Зінгер», крама адзення «Мадэрн», крама ровараў і матацыклаў, радыё-фотапаратуры і электратавараў, а таксама турбюро «Орбіс».

У савецкія часы тут адкрылі дыетычную сталовую, а пасля краму «Игрушки».

Падзяліцца
Меткі: горадмесцы

Апошнія запісы

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025

Нерухомасць тыдня: на Фолюшы прадаюць кватэру з размаляваным балконам і вокнамі ў парк

Калі вы хацелі жыць у кватэры з уласнай фрэскай, ды яшчэ і блізка да прыроды,…

29 сакавіка 2025