У Парэччы 1 жніўня пройдзе новае свята — у гонар найстарэйшага вакзала. Праграма

1 жніўня ў аграгарадку Парэчча адбудзецца свята, прысвечанае чыгуначнаму вакзалу. Пройдзе канцэрт «Парэчскі экспрэс», будзе працаваць фотавыстава, інтэрактыўныя пляцоўкі, выязны гандаль, у тым ліку рамеснікі.

Будынак чыгуначнага вакзала ў Парэччы — найстарэйшы ў Беларусі. Ён быў адкрыты ў 1862 годзе. Яму і прысвяцілі новае свята. Сам пасёлак вядомы з 1660 года.

«Дасць старт святу духавы аркестр Парэчскай дзіцячай школы мастацтваў, шырока вядомы далёка за межамі нашага рэгіёну», — расказала на «Беларусь сегодня» кіраўніца справамі Парэчскага сельскага выканаўчага камітэта Ірына Цівончык.

Актыўнасці арганізуюць на самой станцыі і ў яе ваколіцах. У канцэрце возьмуць удзел творчыя калектывы з Луцкаўлян, Квасоўкі, Азёр, Верцялішак, дзіцячы ансамбль і гурт Seven Fold Brass Band з Парэчча. Краязнаўчы цэнтр парэчскай бібліятэкі прадставіць тэматычную літаратуру ў праекце «Вакзал, які чытае». Запланаваны квэст па аграгарадку, паказальныя выступленні кінолагаў, дзіцячая праграма. З 17.00 да 19.00 можна будзе трапіць на экскурсію ў музейны пакой вакзала. Для дзяцей будуць працаваць атракцыёны. Свята завершыцца дыскатэкай на пляцоўцы ля Парэчскага цэнтра культуры.

Чытайце таксама: Железную дорогу из литовского Друскининкая до белорусского Поречья все же восстановят. Это уже реальные планы