Новости

У Гродне прадаюць былы клуб Stop Line. Што там можа з’явіцца?

Памяшканне былога культавага для гродзенцаў клуба Stop Line выставілі на продаж. «Гродзенскі цэнтр нерухомасці» прапануе купіць яго ва ўласнасць за пачатковую цану ў 500 тысяч долараў (1 281 767,06 рублёў).

UPD 23.08. 23 жніўня аўкцыён не адбыўся — не паступіла заявак.

Памяшканне на вуліцы Урублеўскага, 1/1−1 ізаляванае. На продаж выстаўляюць клуб, актавую залу з цокальным паверхам і склеп. Агульная плошча — 1499,6 кв. м.

Клуб месціўся ў дзевяціпавярховым цагляным будынку 1989 года пабудовы
Будынак, дзе размешчаны былы клуб, — на скрыжаванні Урублеўскага і бульвара Ленінскага камсамола

Сцены ў памяшканні - цагляныя, падлогі аздобленыя пліткай, дошкамі, лінолеумам, паркетам і бетонам, уваход абліцаваны пліткай.

Клуб Stop Line у Гродне заснаваў Пётр Рацкевіч ў 1997 годзе. Там было два танцпляцы, выступалі прыезджыя выканаўцы і дыджэі, ладзілі тэматычныя вечарынкі. У 2014 клуб, разлічаны ў першую чаргу на студэнтаў, зачыніўся ў сувязі з высокай для яго арэндай. За амаль 20 гадоў працы ён стаў культавым. На развітальную вечарыну прыйшло 1200 чалавек, пісаў «Вечерний Гродно».

Былым Stop Line зацікавіўся ўладальнік сеткі «Евроторг». Кампанія хацела арандаваць памяшканне яшчэ да таго, як яго выставілі на таргі. З улікам плошчы, там можа з’явіцца крама «Еўраопт», пункт «Е-Дастаўкі» і «Езрапошты», піша «Вечерний Гродно».

Раней памяшканне належала Будаўніча-мантажнаму трэсту № 30, потым — ААТ «Гроднапрамбуд».

Аўкцыён пройдзе 23 жніўня 2021 года ў камітэце дзяржмаёмасці Гродзенскага аблвыканкама («Гроднааблмаёмасць»). Заяўкі на ўдзел можна дасылаць да 17 жніўня, 16:00.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025