Фото: av.by
Гродзенскія актывісты ўзьнялі праблему праезду школьнікаў у грамадскім транспарце летам. Ужо з 1 ліпеня праезд для іх стане платным да пачатку наступнага навучальнага года. Актывісты ж заклікаюць дэпутатаў захаваць льготы на ўвесь год.
Блогер і грамадскі актывіст Віталь Богдзель, стваральнік YouTube-канала «НЕудобный город» аб праблемах добраўпарадкавання Гродна, запісаў відэа. У ім ён тлумачыць, што дзеці летам карыстаюцца грамадскім транспартам не менш актыўна, чым у час вучобы, але часта не плацяць за яго.
Гродзенскі грамадскі актывіст Ігар Банцар, кандыдат у Абласны савет дэпутатаў 2018 года, падрыхтаваў зваротак да дэпутатаў Гродзенскага абласнога савета.
У ім ён нагадаў, што ў 2017 годзе паводле рашэння Гродзенскага абласнога Савета дэпутатаў праезд у грамадскім транспарце для гродзенскіх школьнікаў стаў бясплатным з 1 верасня па 30 чэрвеня. Але ў абласных Саветаў дэпутатаў ёсць права дадаткова падтрымліваць вучняў пры праездзе ў грамадскім транспарце. Напрыклад, Мінскай гарадской Савет дэпутатаў зрабіў бясплатным праезд для школьнікаў у грамадскім транспарце круглы год. Трэба толькі прад’явіць кантралёрам даведку з месца вучобы ці электронную картку.
«Атрымліваецца абсурдная сітуацыя, калі ў горадзе з самым высокім прыбыткам насельніцтва, паводле дадзеных Белстата, ажыццяўляецца бясплатны праезд, а ў Гродзенскай вобласці, якая відавочна не ў лідэрах па даходах грамадзян — праезд платны», — сказана ў звароце.
Укладальнік звароту просіць на бліжэйшай сесіі Гродзенскага абласнога Савета ўнесці прапанову аб адмене Рашэння Гродзенскага абласнога Савета № 286 ад 2017/10/12 года, або аб унясенні ў яго зменаў, якія б дазволілі навучэнцам ездзіць у грамадскім транспарце бясплатна круглы год. Актывісты заклікаюць і гараджан адпраўляць падобныя звароты да дэпутатаў. Таксама прыклад звароту збіраюцца перадаць у раённыя цэнтры Гродзенскай вобласці.
Раней у Беларусі навучэнцы, студэнты, ветэраны працы ездзілі ў грамадскім транспарце з 50% ільготай, а былыя вязні канцлагераў і чарнобыльцы — бясплатна. У 2007 годзе гэтыя, і многія іншыя льготы скасавалі.
Чытайце таксама:
Цяпер збіраць гісторыю хваробы, распытваць аб сімптомах і скаргах, а таксама абагульняць атрыманую інфармацыю будуць…
Дзве шэрыя вароны - Валя і Валера - прылятаюць на балкон да гродзенкі Ганны Дашчэчкі…
Сёлета па ўсёй Гродзенскай вобласці гасцей прымаюць 267 аграсядзіб. Гэта амаль у два разы менш,…
Па будынку былога адміністрацыйнага корпуса "Гранітэкс", а зараз рынку "Карона", пайшла трэшчына. На пашкоджанай сцяне…
Супрацоўнікі «Гродназелянбуда» прыбіраюць гаршчкі з кветкамі, каб расліны не загінулі ад халадоў. Зараз дэмантуюць “зялёную…
У цэнтры Гродна, паміж чыгуначным і аўтавакзалам, на продаж выставілі ўчастак з драўляным домам. Дзякуючы…