Новости

У Гродне ў Старым горадзе і ў Новым свеце прадаюць нерухомасць: дзе і за колькі?

Памяшканне ў будынку па вул. Горкага, 3−2 прададуць з аўкцыёну 28 чэрвеня. Дом пабудавалі ў 1915 годзе — пакупнік павінен захаваць гістарычную забудову. Больш падрабязную інфармацыю аб аўкцыёне можна прачытаць на сайце гарвыканкама.

Прадаецца памяшканне былога магазіна плошчай 18,5 кв. м. Яно размешчана ў аднапавярховым нежылым будынку. Пачатковая цана — 21 400 рублёў.

На працягу года пакупнік павінен будзе распрацаваць і зацвердзіць дакументацыю на рэканструкцыю або капітальны рамонт. Работы трэба завяршыць за тры гады. Пакупніку забаронена знішчаць, прычыняць шкоду і пагаршаць тэхнічны стан будынка. Таксама забароненыя навукова неабгрунтаваныя змены фасада, так як будынак — прыклад шэраговай гістарычнай забудовы і знаходзіцца ў ахоўнай зоне гістарычнага цэнтра.

На тым жа аўкцыёне прададуць нежылыя памяшканні ў будынках па вул. Падольнай, 2, вул. Маркса, 7 і 9. Кошт — ад 49 800 рублёў за 54,8 кв. м. на Падольнай да 148 000 за 118,5 кв. м. на мансардным паверсе на Маркса.

Што за дом на Горкага?

Цагляны будынак з крамай мяса на Горкага з’яўляецца тыповым прыкладам забудовы раёна Новы свет. Суседні дом — прыклад драўлянага канструктывізму — хацелі прадаць пад знос, але потым выставілі на продаж цалкам. У 2019 годзе прапаноўвалі купіць пад знос і суседнія дамы на Міцкевіча, але пасля серыі публікацый Hrodna.life і актыўнай працы гісторыка Мечыслава Супрона гарадскія ўлады ад гэтай ідэі адмовіліся.

Што за Новы свет?

Новы свет — гэта гістарычны раён горада Гродна, размешчаны ў паўночнай частцы гістарычнага цэнтра, у межах вуліц Міцкевіча, Астроўскага, Ватуціна, Рэйманта і часткі вуліц 17 верасня і Горкага. Гісторыкі кажуць, што тут захаваўся пейзаж пачатку мінулага стагоддзя і прапануюць арганізаваць музей пад адкрытым небам. Тым не менш, гістарычныя будынкі перыядычна зносяць, а тыя, што засталіся, часта перабудоўваюць ўладальнікі, мяняюць у іх дзверы і вокны, з-за чаго дамы страчваюць аўтэнтычны выгляд.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025