Навіны

Рэдактарку Hrodna.life Ірыну Новік аштрафавалі на 725 рублёў. Амаль тры дні да суда яна нічога не ела

3 чэрвеня прайшоў суд над Ірынай Новік, рэдактаркай спецпраектаў Hrodna.life. Яе аштрафавалі на 25 базавых велічынь (725 рублёў) па адміністратыўнай справе нібыта за распаўсюд экстрэмісцкіх матэрыялаў. Да суду яна нічога не ела.

Ірыну Новік затрымалі раніцай 1 чэрвеня. Да суда яна знаходзілася ў ізалятары часовага ўтрымання на Кірава, 1 (у ІЧУ на Гая зараз рамонт). Пра тое, калі адбудзецца суд, адвакату не паведамілі.

У камэры яна была адна. З сабой была кніжка, але яе адабралі. «Я думаю, палітычным не дазваляюць кнігі», — сказала Ірына. Сядзець днём было забаронена. На ноч — з 10 вечара да 6 раніцы — выдавалі матрац. «Калі я даведалася, што нельга нават сядзець, я адмовілася ад ежы, і з сабой у мяне нічога не было. Я б не вытрымала. У мяне і ныркі не вельмі здаровыя, і страўнік, мне было б горш».

Ірына Новік дапускала, што можа атрымаць і пакаранне суткамі. «Калі там сядзіш, рыхтуешся да ўсяго»

Выязны суд адбыўся ў РАУС Ленінскага раёна. Рашэнне вынесла суддзя Алена Пятрова. Ірыну асудзілі паводле артыкула 19.11 КаАП («Распаўсюд інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую дзейнасць»).

Муж Ірыны зараз знаходзіцца ў бальніцы, каля РАУС яе сустрэлі калегі.

Аляксея Шоту, галоўнага рэдактара Hrodna.life, па тым жа артыкуле будуць судзіць пазней як прадстаўніка арганізацыі. На яго рэчы, якія забралі пасля агляду, — тэлефон, ноўтбук, тры жорсткія дыскі — накладзены арышт да выплаты штрафу. Hrodna.life ўжо судзілі паводле артыкула 19.11 — міліцыя знайшла на сайце некалькі спасылак на Telegram-канал, прызнаны экстрэмісцкім. Тады нас аштрафавалі на 12 325 рублей.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025