Абвінавачаныя па "справе Ціханоўскага". Фота: Алена Кавальчук
У Гродне 2 чэрвеня абвясцілі прысуд па «справе Ціханоўскага». Суд Кастрычніцкага раёна пастанавіў пакараць:
Дзмітрыя Фурманава — двума гадамі пазбаўлення волі калоніі агульнага рэжыму,
Уладзіміра Кнігу — чатырма гадамі пазбаўлення волі калоніі агульнага рэжыму.
Яўгена Разнічэнка — трыма з паловай гадамі пазбаўлення волі калоніі ўзмоцненага рэжыму.
Рашэнне вынесла суддзя Вольга Бекушава. Менавіта столькі запатрабаваў пракурор Мікіта Мыслівец. Абвінавачаных пакінулі пад вартай. Кожнаму з іх залічылі час заключэння пад варту. Адзін дзень пад вартай роўны аднаму дню пазбаўлення волі. Тое бок, напрыклад, Дзмітрый Фурманаў выйдзе на свабоду праз год.
З Уладзіміра Кнігі спагналі 1 000 рублёў на карысць пацярпелага амапаўца Дзмітрыя Рахунка — столькі ён і папрасіў, абяцаўшы перадаць грошы ў дзіцячы дом. Разнічэнка заплаціць Дзмітрыю Казлоўскаму столькі ж, хоць той папрасіў 8 000 рублёў.
З Кнігі таксама спагналі 229, 94 рублёў на карысць аўтагаспадаркі УУС Гродзенскага аблвыканкама — як пакрыццё маёмаснай шкоды. На выплату грошай у абвінавачаных ёсць месяц. Таксама яны заплацяць дзяржпошліны — каля 100 рублёў. Іх маёмасць пакінулі пад арыштам да выплаты іскаў. З маёмасці Фурманава арышт знялі. Плакаты, якія захоўваюцца ў справе, знішчаць.
У гэты дзень у судзе было больш міліцыі, чым звычайна. На прыпынку побач дзяжурыў аўтобус, два мікрааўтобусы з сілавікамі і міліцэйскі аўтамабіль. Па два супрацоўнікі міліцыі ў форме сустракалі на ганку і каля ўваходу ў суд. На пасяджэнне прыйшлі людзі ў цывільным, падобныя да сілавікоў. Здымаць у залі суда забаранілі нават да пачатку пасяджэння. Чацвёра пацярпелых у суд не прыйшлі.
Абвінавачаныя будуць абскарджваць прысуд, паведамілі іх абаронцы.
Чытайце таксама:
Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…
Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…
Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…
У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…
Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…
У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…